BIEMH-EN EDIZIORIK DINAMIKOENA ETA NAZIOARTEKOENA
Gaur goizean aurkeztu da BIEMH fabrikazio aurreratuan liderra den nazioarteko azokaren 32. edizioa, ekainaren 3tik 7ra bitartean Bilbao Exhibition Centren egingo dena. Prentsaurrekoan honako hauek parte hartu dute, orden honetan: Xabier Basáñez, BECeko zuzendari nagusia; Xabier Ortueta, AFM Clusterreko zuzendari nagusia; José Ignacio Ortiz de Urbina, AIMHEko presidentea; José Pérez Berdud, AFM Clusterreko presidentea; eta Mari Carmen Go rostiza, makina erremintaren nazioarteko biurtekoaren (BIEMH) arduraduna.
29 herrialdetatik etorritako 1.500 erakusketarik baino gehiagok parte hartuko dute 2024ko BIEMHen, eta 3.500 produktu eta zerbitzutik gora erakutsiko dituzte. Funtzionamenduan daude n makinak izango dira protagonistak, eta BECeko sei pabilioiak erabiliko dira BIEMH, ADDITƐD, BeDIGITAL eta WORKinn Talent Hub entzat. Egiazko ikuskizun industrial eta teknologikoa izango da, nazioarteko presentzia handiarekin: Alemania, Italia, Portugal, AEB, Japonia, Taiwan eta Turkia, besteak beste. Banaketa sektoreen arabera antolatuko da.
BILBON OSPATU DEN UEFA WOMEN´S CHAMPIONS LEAGUE FINALA INOIZKO JENDETSUENA IZAN DA
Bilboko UEFA Women’s Champions League 2024 Finalak historia egin du, asistentzia errekorra lortu baita lehiaketa honetako final batean, San Mamesen 50.827 pertsona batuz.
Orain arte, Municheko Olympiastadiok (Estadio Olinpikoak), ia 70.000 ikuslerentzako edukierarekin, zuen UEFA Emakumezkoen Txapeldunen Ligako final bateko asistentzia errekorra: 50.212 pertsona bildu ziren 2012ko finalean, Olympique Lyonnais eta FFC Frankfurt taldeen artekoan.
Hamabi urte geroago, San Mamesek errekor hori hautsi du, eta 50.827 pertsona bildu ditu, 2012an baino 615 pertsona gehiago.
Gehiago irakurri
BILBAO CONVENTION BUREAUK ZIURTAGIRIA LORTU DU BIOSPHEREREKIN
Bilbao Convention Bureauk lortu berri du bere ziurtagiria Biosphererekin. Erakunde edo destino batek 2023 Agendako Garapen Jasangarriko Helburuen aldeko ekintzekin duen konpromisoa ikuskatzen duen turismo sektorearen nazioarteko erreferentea da Biosphere enpresa. Sektoreak maila globalean bere helburuak 17 GJHekin lerrokatzeko duen gero eta interes handiagoaren ondorioz erakundeak abenduan bere bazkideekin batera hasitako prozesu bat eratu baten emaitza da. Prozesu horren beste emaitza bat, era berean, joan den martxoan Iberdrola Dorreak eskuratu zuen ziurtagiria izan zen.
Bilbao Convention Bureauren kasuan berariaz aintzatesten dira kudeaketa estandarrak betetzeko ahaleginak, hau da, gizartean eragin positiboak izatea lortuz eta, aldi berean, hiriko MICE jardueraren kudeaketa arduratsu eta jasangarriko jardunbide egokiak aitortuz.
WINDEUROPEK AMAIERA EMAN DIO BECEN EGINDAKO 2024KO EDIZIOARI, ETA 30 MILIOI EURO BAINO GEHIAGOKO INPAKTUA IZAN DU
WindEuropek martxoaren 20tik 22ra bitartean Bilbao Exhibition Centre-en egindako 2024ko edizioa itxi du. Parte-hartzeari dagokionez egindako aurreikuspenak hobetu zituen eta 30.1 milioi euroko inpaktu ekonomikoa sortu zuen, barne-produktu gordinari dagokionez. Hirugarren aldia da, 2019ko eta 2022ko edizioen ondoren, euskal azoka-barruti horretan WindEuropen urteko ekitaldi bat egiten dela. BPGd-aren gaineko inpaktua nabarmen handitu da, 2022ko edizioan sortutako inpaktuarekin alderatuta. Europako industria eolikoarentzat gero eta baikorragoa den une honetan, 80 herrialde ingurutatik etorritako 12.000 profesional baino gehiago bertaratu dira hiru egunetan zehar.
