BIZIKLETA BIDAIEI BURUZKO URTEROKO BILTZARRAREN 10. EDIZIOA, 2024KO OTSAILAREN 26TIK 28RA

Bilbo izango da 2024ko Cycle Cities Symposiumaren helmuga. Otsailaren 26tik 28ra egingo da La Terminal espazioan, eta bizikleta bidaiak antolatzen dituzten Europa osoko agentziak bertaratzea espero da.  Sinposio eta networking ekitaldirik zaharrena dugun hau honako hauei zuzenduta dago: bizikleta bidaien antolatzaileak, bizikleta bidaietara bideratutako hotelak, bizikleta eta bidaia markak eta sektoreko profesionalak.  Cycle Cities komunitateko kide den Tourné Bilbao enpresaren adeitasunari esker, bertaratzen direnek Bilboko lekurik esanguratsuenak bizikletaz ezagutzeko aukera izango dute.

Gehiago irakurri

 

STEEL TECH EKITALDI JASANGARRI MODUAN BEREIZIKO DA ERRONKA GARBIA ZIGILUAREKIN

Steel Tech, Congress & Expo Erronka Garbia ekitaldi moduan ziurtatuko da, Ihobe-Eusko Jaurlaritzaren Ingurumen Jarduketarako Sozietate Publikoak emandako bereizgarria,  jasangarritasunaren aldeko konpromisoa aitortzen duena.

Ziurtagiri hau lortzeko BECen urriaren 25etik 27ra izango den ekitaldiak, industria siderurgikoaren erreferentziazko topagune gisa posizionatuta dagoenak, inpaktua murrizteko plana aplikatu du. Plan honek sei jarduketa-ardatz proposatzen ditu: mugikortasuna, energia, ura, erosketak, azpiegitura eta hondakinak.

Horren adibide dira, besteak beste: argiaren intentsitatea eta tenperatura ordutegi-faseetara doitzea; standetako erabilera energetikoa murriztea; hondakinak minimizatzea eta gaika biltzea; seinaletikan jasangarriak diren elementuak erabiltzea; eta gai hauei buruzko sentsibilizazio-kanpainak eta ingurunean eragina duten beste kanpaina batzuk garatzea, hala nola bertaratuek garraio publikoa erabiltzea.

Gainera egungo aroan jasangarritasunak duen garrantziaz jabetuta BECek hainbat ekimen ezarri ditu energia berriztagarrien esparruan, ingurumen-aztarna murrizteko eta balio-kate osoan praktika arduratsuak sustatzeko asmo irmoa jasotzen dutenak. Ekintza hauen artean nabarmentzekoak dira bere eguzki-planta fotovoltaikoa handitzea, % 18 hornitzen duen eta energia-beharrak hornitzeko osorik autokontsumorako erabiltzen dena, bai eta ibilgailu elektrikoetarako birkarga-puntuen sarea handitzea ere.

SteelTech Erronka Garbia bereizgarriarekin ziurtatutako ekitaldi gisa sartzeak bat egiten du Bilbao Exhibition Centrek antolatzen dituen Egurtek eta Expovacaciones azokei aldez aurretik emandako akreditazioekin. Gainera, gaur egun BEC lanean ari da 2024ko ekainean Makina-Erremintaren Nazioarteko Biurtekoaren 32. ediziorako aintzatespen berria lortzeko.

BILBO MUNDU MAILAKO ZAZPIGARREN HIRI ERTAIN ONENA BIHURTU DA “GLOBAL DESTINATION SUSTAINABILITY” INDIZEAN

Bilbo 24. postura iritsi da bilerak, sustapen-bidaiak, konferentziak eta erakustaldiak egiteko destino jasangarriak diren nazioarteko 100 hiri erakargarrienen artean. Global Destination Sustainability rankinga gizarte, ekonomia zein ingurumenaren ikuspegitik jasangarritasuna bultzatzeko estrategia bateratuak sortzea helburu duen hiriek osatzen dute.

Bilbo mundu mailako zazpigarren hiri ertainik onena bihurtu da Global Destination Sustainability indizean. Gizarte, ekonomia zein ingurumenaren ikuspegitik estrategia bateratuak sortzearen aldeko konpromisoari estuen lotuta nazioarteko 100 hirien nazioarteko ranking honetan, Bilbok 24. postua lortu du eta horrenbestez, ongien sailkatuta dagoen Estatuko hiria da.

Honek esan nahi du Bilbok 9 postuko igoera izan duela 2022ko emaitzen aldean, eta sekulako jauzia egin duela 2021ean, Bilbok Global Destination Sustainability rankingari atxiki zitzaion urtean, lortu zuen 42. postuarekin alderatuta.

Global Destination Sustainability indizea bilerak, sustapen-bidaiak, konferentziak eta erakustaldiak egiteko (MICE sektorea) destino jasangarrien nazioarteko rankinga da, eta funtsezko oinarritzat baloratzen du 71 itemen bidez NBEren 2030 Agendaren Garapen Jasangarrirako Helburuekin bat egitea. Gure hiriaren kasuan, Bilbao Convention Bureauk eta bere hornitzaileek “Bilbao Arima Berdea” izeneko lan-batzorde iraunkorraren barruan inplementatu dituzten hobekuntzak baloratu dira.

Indize horrekiko atxikimenduak, Bilboko Udala buru, garapen jasangarria hobetzeko dinamika bat ezarri eta tokiko eragileek jasangarritasunaren arloan egiten duten lana aitortzea du helburu, gure hiriarekiko konfiantza bultzatzeko nazioarteko ekitaldien antolaketari dagokionez. Tokiko eragileekin batera, Bilboko Udalak MICE sektorean (kongresuak eta ekitaldiak) duen lehia-abantaila handitzea bilatzen du; izan ere, osasun-krisiaren aurretik urtean 1.300 bilera egin ziren hirian, eta pixkanaka jarduera lehengoratzen ari da.

GLOBAL DESTINATION SUSTAINABILITY

GDS indizea, Nazioarteko Kongresu eta Konbentzioen Elkarteak (ICCA), IMEX Groupek, City Destinations Alliance eta MCI Groupek elkarlanean egina, sektoreko profesionalak batzen dituen destino jasangarrien mugimenduari atxikita dago. Helburua estrategiak sortzen laguntzea da, destinoak jasangarriagoak izan daitezen gizarte-, ekonomia- eta ingurumen-arloan. Aurten, Göteborg, Liverpool, Washington eta Sydney hiriak daude rankingaren buruan.

BILBO HAUTATU DA GARAPEN EKONOMIKOARI BURUZKO EUROCITIES FOROAREN EGOITZA IZATEKO

Bilbo Eurocities sarearen Garapen Ekonomikorako Foroaren egoitza ofiziala izango da 2024ko urriaren 23an, 24an eta 25ean. Foro horretan, Europako hiri nagusietako alkateak eta liderrak bilduko dira, bai eta Europar Batasuneko arduradun eta funtzionario ugari ere, erronka global handiei aurre egiteko hirien berrikuntzarekin eta paperarekin lotutako hainbat gai eztabaidatzeko.

Garapen Ekonomikorako Foroa urtero egiten den topaketa bat da, besteak beste hiri-garapenaren, tokiko politika ekonomikoen, berrikuntzaren eta ekintzailetzaren eta nazioarteko harreman ekonomikoen arloko ideiak eta jardunbide egokiak elkarrekin trukatzeko plataforma gisa balio duena. Helburua da hiriak eragile nagusi gisa kokatzea arlo ekonomikoan, era horretan bermatu ahal.

Gehiago irakurri

 

    Descargar información

    Descargar información

    Pulsa descargar para obtener una guia resumen con parte de los servicios que ofrece la ciudad.

    ¡Gracias por descargar!