Informazioaren segurtasunari buruzko ISO/IEC 27001 ziurtagiria eskuratu du BEC-ek
Bilbao Exhibition Centrek informazioaren segurtasunaren kudeaketako jardunbide egokienak akreditatzen dituen nazioarteko estandarra, ISO/IEC 27001 ziurtagiria, eskuratu du. EQAk (European Quality Assurance Spain SL) emandako aitortza horrek BECek ezarritako kudeaketa-sistemak azoken, kongresuen eta ikuskizunen antolaketarekin lotutako segurtasuneko sistemetan nazioarteko estandar gorenak betetzen dituela ziurtatzen du. Horrek tratatutako informazioaren isilpekotasuna, segurtasuna eta eskuragarritasuna bermatzen du.
Neumologiaren eta Torax Kirurgiaren Espainiako Elkartearen (SEPAR) 58. Kongresu Nazionala
Euskalduna Bilbaok arnas aparatuko gaixotasunen arloan gaztelaniaz egiten den nazioarteko kongresurik garrantzitsuena hartuko du. Mundu osoko profesionalak bilduko dira Neumologiako eta Kirurgia Torazikoko Espainiako Elkartearen (SEPAR) 58. Kongresuan. Elkartearen urteroko batzar izateaz gain, ekitaldi hau sektoreko egutegian ezinbesteko topaketa da, azken aurrerapen zientifiko, teknologiko eta klinikoak partekatzeko. Antolakuntzak programa oso aberatsa prestatu du ideiak, esperientziak eta lankidetzak partekatzeko helburuarekin.
Munduko biltzar zientifiko ospetsuenak hartzen dituzten hirien top 100-ean sartu da Bilbo
ICCA (International Congress and Convention Association) rankingeko top 100 sailkapenean sartu da Bilbo. Sailkapen horretan, hiriak eta herrialdeak hartzen dituzten nazioarteko kongresuen kopuruaren eta kalitatearen arabera ebaluatzen dira. Zerrenda oso zorrotza da, eta ekitaldiek irizpide oso zorrotzak bete behar dituzte, kongresuen eta kongresuak bultzatzen dituzten sozietateen balio zientifikoa egiaztatzeko.
2024ko ekitaldiei dagokien azken ranking horretan, Bilbok 88. postua lortu du; Estatuan Madril, Bartzelona eta Valentzia baino ez daude aurretik.
+INDUSTRY 2025 aurkezpena
+INDUSTRY, smart manufacturingari eskainitako Espainiako urteko topaketarik handiena, «Industria osoa, hemen» lelopean egingo da, ekainaren 3tik 5era bitarte, Bilbao Exhibition Centren, eta 18 herrialdetatik datozen 873 enpresa baino gehiago bilduko ditu. Industria- arloko hitzordu handi horrek zazpi azoka hartuko ditu barne, eduki sinergiko eta egituratuaren plataforma bakar batean, eta berrikuntza, networkinga eta negozio-aukerak sustatuko ditu balio-kate osoan.
