+34 944 79 57 70
bicb@bilbaoturismo.bilbao.eus
BILBAO CONVENTION BUREAU-REN JARDUNBIDE EGOKIAK
Mugikortasun Jasangarriaren Azoka handia hasi da, “zero emisioko” ibilgailuen marka nagusien hiru eguneko erakusketarekin
19/09/2025
Areatzako kaian egongo dira prezio bereziko 43 auto modeloren erakusketa eta 15 ibilgailu mota probatzeko “test drive” gunea. “12 orduz etengabe korrika” lasterketa asteburu osoan egingo den ekitaldi baten abiapuntua izango da. Bertan, jolasak eta kirol-jarduerak egingo dira.
Nora Abete Mugikortasun eta Jasangarritasuneko zinegotziak inauguratu du aurtengo edizioa, Sonia Pérez Ezquerra diputatuarekin eta Javier Hurtado Turismo, Merkataritza eta Kontsumoko sailburuarekin batera. Aurtengo edizioan, hidrogeno-autobus bat, hidrogenera bat, eta salgaiak garraiatzeko eta hiri-hondakinak biltzeko bi kamioi elektriko egongo dira.
Bilbao Basket taldeak mugikortasunari buruzko inkestaren emaitzak eta karbono-aztarnaren datuak aurkeztu ditu Mugikortasunaren Europako Astearen esparruan
18/09/2025
Klubaren jarduerak ingurumenean daukan eragina zein den jakitea funtsezkoa da eragin hori murriztu dezaketen ekintzak egiteko, batez ere mugikortasunaren arloan, emisio-iturri nagusia den aldetik.
Nora Abeterentzat “ekimen honek sendotu egiten du Surne Bilbao Basketek jasangarritasunarekin, gizarte-berrikuntzarekin eta hiriko bizi-kalitatearen hobekuntza kolektiboarekin daukan konpromisoa.” Neurketak egiteko, kluba Hazigreen Research eta Ondoan enpresekin lankidetzan aritu da.
Bilboko Udalak txirrindularitza-arloko prestakuntza sustatuko du hiriko ikastetxeetan
16/09/2025
Mugikortasun eta Jasangarritasun Sailak proposatu du, Bilbok jasangarritasunaren alde hartutako konpromisoarekin bat eginik, ikasleei tresna praktikoak ematea, bizikleta egunero erabil dezaten. Orain arte, 11 ikastetxek eta 32 taldek edo gelak adierazi dute parte hartzeko asmoa dutela, eta horrek esan nahi du 2025-2026 ikasturtean 700 ikasle baino gehiago direla inplikatu direnak.
“Domeketan Bizikletaz” ekimenaren laugarren edizioa irailaren 28an egingo da; 2025eko edizio hau egiteko, Santutxu auzoko Basarrate landa hautatu da.
Javier Hurtado sailburuak turismo-egonaldien gaineko zergaren ezaugarriak azaldu dizkio Turismo Mahaiari: udal-zerga izango da, aplikazio orokorrekoa eta turismoaren sektorerako zuzkidura paraleloarekin
22/07/2025
Turismo, Merkataritza eta Kontsumoko sailburua, Javier Hurtado, Turismo Mahaiaren buru izan da gaur. Mahai horretan turismoaren sektorearekin lotutako gaiak jorratu dira, tartean turismo-egonaldien gaineko zergaren ezarpena, Etxebizitza eta Hiri Agendako Ministerioaren erregistroa eta leihatila bakarraren sorkuntza, baita Saila garatzen ari den Turismoaren Legearen aurreproiektuaren eta Baliabide Turistikoen Lurralde Plan Sektorialaren arau-egoera ere.
Zerga-bilketa osoa izango da zerga-egitatea sortzen den udalerri bakoitzerako, eta, aldi berean, Eusko Jaurlaritzak zuzkidura gehigarri espezifiko eta ezohiko bat sortuko du (ez da ohiko partiden parte izango), Eusko Jaurlaritzako Turismo, Merkataritza eta Kontsumo Sailaren aurrekontuan jasoa. Zuzkidura horrek turismo-sektorea bultzatu eta indartzeko balioko du, eta enpresen jasangarritasuna eta lehiakortasuna azpimarratuko ditu, eta horrek helmuga eta zerbitzuak hobetzea ekarriko du, eta, beraz, baita herritarren bizi-kalitatea ere.
Iberdrola | bp pulsek eta Mercabilbaok Euskadin mugikortasun elektrikoa bultzatuko dute
21/07/2025
Espazioak karga ultralasterreko lau plaza ditu, horietako hiru ibilgailu arinentzat, eta bat kamioi elektrikoetara egokituta, bakoitzak 200 kW-ko potentzia duela. Mercabilbaok jasangarritasunarekin duen konpromisoaren barruan kokatzen da instalazioa, karga publikoko puntu ultraazkar bat instalatuta, salgaien garraioari eta barne joan-etorriari lotutako emisioak murrizteko.
Iberdrola | bp pulse beste 24 karga-puntu garatzen ari da Bizkaian, eta, horri esker, bere sarea hirukoiztu ahal izango da probintzian datozen hilabeteetan.
2025eko Aste Nagusiko Txikiguneak “Berdintasunaren Biderantz” esperientzia berriarekin berdintasunerako bidea egitera gonbidatzen ditu familiak
18/07/2025
Abuztuaren 17tik 24ra, Casilda Iturrizar parkean 0 eta 12 urte bitarteko haurrak GJHetan eta balioetan trebatuko dituzten hainbat proposamen egingo dira.
Aurtengo edizioak berrikuntza nagusi gisa “Berdintasunaren Biderantz” jolasa dakar; pista-jolas parte-hartzaile eta hezitzaile bat, pertsona guztien arteko gizarte berdinzalea eraikitzea sustatzen duena.
Bilbobusek %100 elektrikoak diren lau unitate berri gehitu ditu bere flotara, eta erabiltzaileen marka berria ezarri du urteko lehen seihilekoan
16/07/2025
Unitate berriek 13., 27., 38. eta 48. lineetako zerbitzuak ematen dituzte. Lau autobus dira, MAN LION ‘S CITY 12E modelokoak, % 100ean elektrikoki propultsatuak, zero emisioko teknologiarekin eta azken belaunaldiko litiozko baterietan oinarritutako biltegiratze-sistemarekin.
Autobus berriek 350 kilometrotik gorako autonomia dute, hiru ordu baino gutxiago behar dute kargatzeko, eserita 28 lagunentzako eta zutik 55 lagunentzako edukiera dute, eta 2 plaza mugikortasun murriztua izateagatik gurpil-aulkian doazenentzako.
CitiES 2030 udako ikastaroan, Bilbok aurkeztu ditu hurrengo bost urteetarako hiriaren erronka klimatikoak
14/07/2025
Nora Abete alkateordeak eta Mugikortasun eta Jasangarritasuneko zinegotziak parte hartuko du gaur CitiES 2030 udako ikastaroaren laugarren edizioan, zeina “Misioa betetzeko unea. Trantsizio klimatikoa eta lehiakortasuna Espainiako hirietan” lelopean egingo baita, Santanderren.Zehazki, Nora Abetek hiriaren Akordio Klimatikoa sinatu eta aurkeztuko du bertan, 2030erako Bilbao Misio Klimatikoaren oinarri den aldetik. 2030erako Bilbao Misio Klimatikoa bat dator 2050erako Ingurumen Estrategiarekin, eta bultzada emango dio Bilboko Udalak 2024an onetsitako Klima eta Energia Jasangarrirako Ekintza Planari (PACES).
2030erako Bilbao Misio Klimatikoak lau mugarri nagusi ditu: mugikortasunaeraldatu eta elektrifikatzea, eraikinak energetikoki birgaitzea, hiri jasangarria garatzea, eta klima egokitzeko estrategia ezartzea.
Bilbo, euskal kulturaren hiriburua Aste Nagusiko egun guztietan
8/07/2025
Abuztuaren 16tik 24ra bitartean, Bilboko kaleak beteko dira euskal folkloreari lotutako ehun jarduera baino gehiagorekin, hala nola Herri Kirolak, Euskal Dantzak, Erraldoi eta Buruhandiak, kalejirak, bertsolariak, traineruak, pilota eta bilbainadak. Abuztuaren 24an, igandean, Emakumeen Eguna Herri Kiroletan ospatuko da, emakume kirolariak ikusarazteko helburuarekin.
BILBOKO KALEALDIAk irisgarritasunaren eta iraunkortasunaren aldeko apustua egiten du
26/06/2025
Dibertsitate funtzionala duten pertsonen irisgarritasuna bultzatzeko neurriak ditu Jaialdiak. Gainera, BILBOKO KALEALDIAri emandako ERRONKA GARBIA zigiluak bermatzen du garatzen dituen jardueren ingurumen-inpaktua hobetzeko konpromisoa.
BILBOKO KALEALDIA Antzerki eta Arte Jaialdia ekainaren 30etik, astelehena, uztailaren 5era, larunbata, ospatuko da. Bilboko, Euskal Herriko, Estatuko eta nazioarteko 35 konpainiaren 59 emanaldi eskainiko dira, publiko orori zuzendutako ikuskizunekin.
B Accelerator Towerreko (BAT) hogeita hamar enpresak bat egin dute Bilboren balioen agiriarekin
20/06/2025
B Accelerator Towerreko (BAT) hogeita hamar enpresak bat egin dute gaur goizean Bilboren Balioen Agiriarekin. Dokumentua sinatzeko ekitaldian izan dira Juan Mari Aburto Bilboko alkatea, Eriz Sainz B Accelerator Towerreko (BAT) zuzendaria eta enpresen ordezkariak.Enpresa horiek guztiek, Bilbo eta Bizkaiko enpresa-sarean erreferente direnek, Bilboren Balioen Agiriaren espiritu eta edukiarekin bat datozen jarrerak eta portaerak sustatzeko, bultzatzeko eta mantentzeko konpromisoa hartu dute.
Bilbo adinekoekin atsegina den hiri gisa asmatzeko eta eratzeko prest dauden 60 urtetik gorako pertsonak bilatzen ditu Udalak
16/06/2025
Datorren ostegunean, ekainak 19, Abandoko Barrutiko Udaltegian –Barrainkua 5–, “Bilboko Adinekoekiko Hiri Lagunkoiaren IV. Plana” izenekoaren esparruan boluntarioei laguntzeko aukerak aurkeztuko dira.
Pertsona horiek, beren aukeren eta interesen arabera, Plana eta haren ekintzak zuzenean bultzatzen lagundu ahal izango dute, lehendik dauden boluntariotza-programetako batean edo hiria hobetzen laguntzen duten bestelako ekimenetan.
Bilboko Udalak sentsibilizazio kanpaina berri bat bultzatu du ekainaren 28ko LGTBIQ+ Harrotasunaren eguna dela eta
16/06/2025
Kanpaina instituzionalaren irudia LGTBIQ+ pertsonen eskubideak ikusarazi, babestu eta sustatzera bideratuta dago, eta “OSO HARRO” leloaren bidez erakutsi nahi du Bilbo hiri inklusiboa, irekia eta segurua dela.
Ekainaren 19tik 28ra Casilda Iturrizar parkeko pergolako iturria eta Abandoibarrako farolak argiztatuko dira, Bilbao Bizkaia HARRO ekitaldiarekin bat etorrita. Era berean, ekainaren 28an, udaletxeko fatxada nagusia ortzadar koloreekin argiztatuko da.
Bilbok ekonomia zirkularra bultzatu du kontsumo-ondasunak konpontzeari eta berrerabiltzeari buruzko lan-saio baten bidez
06/06/2025
Jardunaldiaren helburua izan da lankidetza-proiektuak identifikatzea, hiriari aukera emango diotenak tresna elektriko eta elektronikoak konpontzea eta berrerabiltzea lehenetsiko duen eredu ekonomiko jasangarri baterantz joatea, Bilbao Ekintza udal-sozietateak egindako “Ekonomia zirkularraren ibilbide-orriaren” barruan.
Hiriko sare ekonomikoaren zirkulartasunaren kudeaketan inplikatutako hamabost bat eragile publikok eta pribatuk hartu dute parte Zabalgune eraikinean egindako topaketan.
Beira-ontzien gaikako bilketak % 2ko igoera izan du Bilbon, eta Estatuko edukiontzirik “emankorrena” du, Zabalgune plazan
27/05/2025
2024an, Bilboko herritar bakoitzak 26,5 kilogramo beira-ontzi utzi zituen, hau da, 91 bat ontzi pertsonako, hirian han eta hemen instalatuta dauden 1.290 edukiontzi berdeetan. Datu positibo horien arabera, gehien birziklatzen duten hiru hirietako bat da Bilbo, birziklatzearen arloan aurreratuen dauden Europako herrialdeen mailara hurbilduz.
Era berean, Estatuko beira-edukiontzirik emankorrena Bilbon dago, Zabalgune plazan; iaz 75 tona beira-ontzi bildu ziren edukiontzi horretatik.
Ernesto Erkoreka eta Guridi Musikariaren plazen arteko bidegorriaren eta Irala eta Miribilla lotuko dituen bidegorriaren lanak hasi dira
26/05/2025
Zumalakarregi etorbidean bizikleta eta oinezkoentzako bidea egiten ari dira eta horri esker Begoña auzoa hirigunearekin eta haren bidegorrien sarearekin komunikatu ahal izango da. Irala eta Miribilla Eskurtze parketik lotuko dituen bidegorria Miribilla auzoko Askatasuna etorbidean dagoen bidegorriarekin lotuko da.
Jarduketa berri bi horiekin, eta jada proiektatuta daudenekin, Bilboko bizizkleta-sareak 77 kilometro baino gehiago izango ditu; horietatik 36 inguru bidegorriak edo bizikletentzako soilik diren erreiak izango dira. Proiektu biek, Pio X.aren biribilgunean egindako hobekuntzekin eta Deustuko zubian egindako bidegorriarekin batera, Europako finantziazioa daukate. Izan ere, guztira 6,3 milioi euro inbertitu dira bizikleten eta oinezkoen konexioak hobetzeko uriko hainbat puntu neuralgikotan.
Bilboko Udalak intsektu polinizatzaileak babesten dituzten landare-espezieen gida bat argitaratu du
20/05/2025
Katalogoan bertako 25 landare-espezie baino gehiago bildu dira, intsektu polinizatzaileentzako habitat egokiak sortzen laguntzen dutenak. Intsektu polinizatzaileek, hala nola erleek, tximeletek eta erlastarrek, funtsezko zeregina betetzen dute oreka ekologikoan eta elikagaien ekoizpenean.
Mugikortasun eta Jasangarritasun Sailak biodibertsitatearen eta hirigintzaren arteko koexistentzia erraztuko duten neurrien aldeko apustua egiten du, eta keinu txikiak eginez horretan laguntzera gonbidatzen ditu herritarrak, keinu horiek, batuta, eragin handia baitute.
Ekainaren 16tik aurrera jarriko da martxan bizikleta publikoen zerbitzu berria, BilbaoBizi
19/05/2025
BilbaoBizik egungo mailegu-zerbitzua etengo du maiatzaren 31tik ekainaren 15era, bizikletak aldatzeko. Sistema berriak ainguraleku gehiago ezarriko ditu: 46tik 68ra pasako dira. Gainera, 1.250 bizikleta eskainiko dira (gaur egun 700 dira). Sistema berrirako trantsizioa errazteko, erabiltzaileek euren datu pertsonalak egiaztatu eta osatu behar dituzte erabiltzaile-profilean (APP/Web).
Hemendik aurrera, erabiltzaileek ohiko edo noizbehinkako tarifa aukeratu ahal izango dute. Urteko kuota bat egongo da bientzat, eta tarifak erabilera bakoitzeko ordainketekin osatuko dira, bizikleta erabiltzeko ohitura sustatzeko asmoz. Gainera, urtean 72 euroko gehieneko muga ezartzen da, ohiko erabiltzaileen mesedetan.
Euskadin 450 gune baino gehiago gehitu zaizkio LGBTI+ Points Sareari, berdintasunaren aldeko eta erasoak saihesteko konpromisoari ikusgarritasuna emateko
16/05/2025
Ekimenak ingurune seguruak, errespetuzkoak eta solidarioak eskaini nahi dizkie LGBTI+ pertsonei, arreta berezia jarrita trans pertsonen eta erasoen biktima diren emakumeen babesean. Puntu seguruak sarbideetako bereizgarrien bidez identifika daitezke, eta mapa lgbtipointssarea.eus webgunean dago ikusgai.
Proiektuak indartu egiten du erakunde publikoek trans pertsonen nortasuna aitortzeko eta errespetatzeko duten betebeharra eta enpresa pribatuen konpromiso etikoa, 4/2023 eta 4/2024 legeen arabera.
Bilboko Udalak Sexu eta Genero Aniztasunaren I. Udal Plana onartu du
14/05/2025
-
Dokumentua parte-hartze prozesu baten emaitza da. Prozesu horretan, LGTBIQA+ Foroko kideek, hainbat gizarte-eragilek eta Udalean ordezkaritza duten alderdi politikoek parte hartu dute.
-
Helburu estrategikoak honako hauek dira: udal-politiketan sexu- eta genero-aniztasunaren ikuspegia ikusaraztea, kontzientzia soziala sustatzea, genero-orientazioagatiko eta/edo -identitateagatiko indarkeria eta diskriminazioa desagerraraztea, eta erakundearteko lankidetza sustatzea gizarte-entitateekin.
Bidaia bat euskadiko LGBTI+ historian zehar: bisita gidatuak Bilbon, borroka eta erresistentzia ezagutarazteko
06/05/2025
Guztira 15 bisita eskainiko dira 2025ean, hilabete bakoitzeko hirugarren larunbatean, 12:00etan, eta data garrantzitsuetan eskaintza indartuko da, hala nola Harrotasun Egunean, Aste Nagusian edo Gabonetan.
Bisita horietako berezitasun bat da ikus-entzunezko materiala dagoela, errepresioa bizi izan zuten LGBTI+ pertsonen benetako testigantzak erakusteko.
3 euroko prezio sinbolikoa izango dute. www.bilbaoBizkaiaPRIDE.com webgunearen bidez eman daiteke izena, edo inskribatu ahal izango dira, edo visitasguiadasLGBT@ortzadarlgbt.eus helbide elektronikoaren bidez.
Bilbao Ekintzak ETEentzako eraldaketa zirkularrari eta finantzaketa berdeari buruzko enpresa-jardunaldia antolatu du
05/05/2025
Bilbao Ekintzak, Bilboko Udalaren udal-sozietateak, ingurumen-iraunkortasunari eta ekonomia zirkularrari buruzko enpresa-jardunaldi berri bat egingo du datorren ostegunean, maiatzaren 15ean, 09:30etik 11:15era. Topaketa horretan, kontzeptu horien garrantzia eta mikroenpresetan eta ETEetan duten eragina aztertuko da.
Jardunaldia Bilboko mikroenpresa eta ETE guztiei zuzenduta dago, haien jarduera-sektorea edozein delarik ere. Bere helburua araudiari, ekonomia zirkularreko eredu baterako trantsizioari, aukerei eta onurei buruzko ezagutzak ematea da, baita finantzaketa iraunkorrari, laguntzei eta proiektu zirkularretarako eskuragarri dauden dirulaguntzei buruzko ikuspegi orokorra eskaintzea ere.
Bilbok zilarrezko saria lortu du Europako Batzordeak antolatutako inklusioaren eta aniztasunaren hiriburuaren sarietan
30/04/2025
Inklusioaren eta Aniztasunaren Europako Hiriburuaren saria jaso du Bilbok, 50.000 biztanletik gorako kategorian. Utrechek lortu du urrea Europako Batzordeak antolatutako sariketa horretan. Atzo arratsaldean iragarri ziren irabazleak, Bruselan egindako Nazioarteko Lankidetzarako eta Garapenerako Europako komisario Hadja Lahbibek gidatutako ekitaldian.
Bilbao Convention Bureauk Biosphere sistemari buruzko webinar bat antolatu du bere zigilu-programan izena eman duten berrientzat
17/03/2025
Bilbao Convention Bureauk, hamar bat elkartekiderekin lankidetzan, baterako ziurtapen-prozesu bati ekin zion 2023an, Biosphere zigiluarekin. Nazioarteko estandar horrek turismo-enpresek eta -helmugek GJHekin duten konpromisoa ebaluatzen du. Ekimen honi esker, Bilbao Convention Bureau bera, Torre Iberdrola edo Bilbao Exhibition Centre bezalako erakundeek zirgilua lortu dute, eta beste batzuk prozesuaren azken txanpan daude. Aholkularitza teknikoa eta laguntza ekonomikoa ematen dituen programa hau zabalik dago eta izen-emate berriak jaso ditu. Hori dela eta, Bilbao Convention Bureauk Biosphere sistemari buruzko atariko web mintegia antolatu zuen gaur dozena bat interesdun berrientzat, plataformarekin ohitzen laguntzeko.
Bilbao Convention Bureauk jasangarritasunari, irisgarritasunari eta legatuari buruzko topaketa batean parte hartu du, esparru akademikoko ekitaldien antolatzaileekin
10/03/2025
Joan den ostiralean, Bilbao Convention Bureauko zuzendariak, Kepa Olabarrietak, parte hartu zuen Madrilen, “Kongresu zientifiko-akademikoei aplikatutako jasangarritasuna, irisgarritasuna eta ondarea” izeneko mahai-inguruan.
Unibertsitate eta Unibertsitate Fundazioen Kongresu Bulegoen Sareak (OCUE) antolatu zuen topaketa, Unibertsitate Autonomoaren Fundazioaren bitartez. OCUEk bere komunitate zientifikoetako kideek sustatutako ekitaldien kudeaketaz arduratzen diren Estatuko unibertsitateetako eta unibertsitateko fundazioetako sailak biltzen ditu, eta aldian-aldian topaketak antolatzen ditu ekitaldien antolaketari buruzko ideiak trukatzeko, unibertsitateak elkartzeko eta jarduerak antolatzeko gune gisa sendotzen lagunduz.
Bilbon destino jasangarriei buruzko topaketa egin da, hiria ekitaldiei lotutako ekintza- eta prestakuntza-plan bateko hiri pilotu aukeratu ondoren
10/03/2025
Hiria destino-pilotu gisa hautatu dute “Bilbao Convention Bureauren bidez jardun jasangarrien arloan izan duen ibilbide eta konpromiso nabarmenagatik”.
Kontxi Claverrek, Ekonomiaren Garapeneko, Merkataritzako, Turismoko eta Enpleguko Saileko Zinegotziak, nabarmendu du topaketa honek eta proiektuak ekitaldien ekosistemako eragile guztiak kontzientziatzeko elementu gisa duten balioa. Kontxi Claverrek esan duenez, “bileren, pizgarrien, hitzaldien eta erakusketen MICE turismoaren esparruan hiriak destino jasangarri gisa duen posizio gero eta sendoagoa berresten duen lana da”.
Bilboko Udalbatzak hasierako onarpena eman dio hiri antolamenduko plan orokorraren aldaketari, ostatu turistikoei eta etxebizitza kolektiboei dagokienez
30/01/2025
Bilboko udalbatzak hasierako onarpena eman dio Hiri Antolamenduko Plan Orokorraren aldaketari, ostatu turistikoei eta etxebizitza kolektiboei dagokienez. Aldaketa horren helburua da turismoko ostatuak eta etxebizitza kolektiboak ezartzeko araudia egokitzea, hiriaren garapen orekatua bermatzeko. Hain zuzen, Udalak planteamendu argi batekin heldu dio gaiari: ohiko etxebizitzetarako bizitegi-erabilera sustatzea.
Udalak izena emateko epea ireki du, bilboko ostalaritzak eta merkataritzak euskara ikasi eta hobetu dezaten biribilko programaren bidez
18/09/2024
Bilboko Udalaren Biribilko programaren helburua Bilbon euskaldunagoak diren merkataritza eta ostalaritza sektore bat lortzea da, eta 2024-2025 ikasturterako izena emateko epea ireki berri da. Aurtengo edizioan, berrikuntza garrantzitsu bat izango da: ikastaroak amaitzen direnean, ikasleek baldintza batzuk betetzen badituzte, matrikularen kostu osoa itzuliko zaie.
Biribilko Bilboko Udalaren programa bat da, euskara ikastaroak eskaintzen dizkien uriko merkatariei eta ostalariei. Programak hizkuntzaren normalizazioa bultzatu nahi du, eta, horrela, merkatariek eta ostalariek euskara ikasteko eta erabiltzeko aukera izan dezaten, bezeroekin, hornitzaileekin eta lankideekin dituzten harremanetan. Sektore bietako profesionalek urriaren 11ra arteko epea daukate izena emateko, Biribilko webgunean, 688 739 015 telefonora deituz, edo ikastaroak emango diren euskaltegietan bertan izena emateko: Bilbo Zaharra, Gabriel Aresti, Indautxu AEK, Juan Mateo Zabala, Matxintxu AEK, Lizardi AEK, Santutxuko AEK, eta Ulibarri Euskaltegia.
Zbe egokitze aldiaren balantze positiboa azken
16/09/2024
Azken hilabeteetan EGEra sartu diren ibilgailuen guztizko kopurua alderatzen bada, eta maiatzaren 15etik aurrera (martxan jarri baino hilabete lehenago) bildutako lehen datuen arabera, lehen hilabetean sarrerak %14,69 jaitsi dira, bigarren hilabetean %13,06 eta hirugarrenean %14,77. Datu horiek, neurri batean, uda garaia izan delako izan daitezke, baina baita zirkulazio-erregulazio berriaren disuasio-efektuak eraginda ere.
Bilbao Convention Bureauk hotelen iraunkortasunari buruzko jardunaldi batean parte hartu du, Eco-One eta Ilunion Hotels enpresek antolatuta
02/09/2024
Eco-One hotelen jasangarritasunaren start-upak jasangarritasunari buruzko jardunaldi bat antolatu du Ilunion Hotelsekin batera, Bilboko sektoreko ordezkariekin eztabaidatzeko zer erronkari aurre egin behar dieten hotelariek iraunkortasun-neurriak ezartzeko orduan, ura aurreztetik energia-eraginkortasuneko neurriak optimizatzera edo hondakinak kudeatzera, besteak beste.
Mahai-inguru formatuan antolatu da jardunaldia, eta Elena Martín Cuesta Ilunion Hotelseko iraunkortasun zuzendaria eta Carlos Fluixá Ferrá Eco-Oneko CEO moderatzaileak izango dira. Bertan, Kepa Olabarrieta Bilbao Convention Bureau-ko zuzendariak parte hartuko du, hiriko hotelarien ordezkaritza handi batekin batera. Eguneko anfitrioia Marina de Diego izango da, Ilunion San Mames hoteleko zuzendaria. Hotel hori aitzindaria da irisgarritasun, eraginkortasun energetiko eta konpromiso sozialeko neurriak hartzen. Izan ere, Ilunion San Mames Enplegu Zentro Berezi gisa kudeatutako Euskadiko lehen hotela da, bere lantaldearen % 80 desgaitasunen bat duten pertsonek osatzen dute eta % 15 kalteberatasun-egoeran daude.
Montecabras biodibertsitatearen eta ingurumen hezkuntzaren oasi bihurtu da
22/07/2024
Nora Abete alkateorde eta Mugikortasun eta Jasangarritasun Saileko zinegotziak Montecabras bisitatu du gaur goizean, biodibertsitatea hobetzeko proiektuan egindako aurrerapenak ospatzeko.
Ekimen horrek helburu du eremuko aberastasun naturala berreskuratzea eta eremuak aisialdi arduratsurako eta ingurumen-hezkuntzarako esparru gisa daukan balioa handitzea.
Montecabras mendia Bilbo eta Erandio artean dago. 2023ko abenduaz geroztik, jarduketa handiak egin dira bertan, eremua zeharkatzen duen Artxandako pasabidearen obrak amaitu ondoren. Besteak beste, espezie exotiko inbaditzaileak kendu dira, hala nola sasiakazia (Robinia pseudoacacia), Panpako belarra (Cortaderia selloana) eta tximeleten zuhaixka (Buddleja davidii), eta haien ordez, bertako espezieak landatu dira, hala nola haritzak (Quercus robur), arteak (Quercus ilex), artelatzak (Quercus suber) eta ereinotzak (Laurus nobilis).
Flora autoktonoa landatzeaz gain, zenbait mikrohabitat sortu dira, hala nola harri pilak, anfibioentzako putzu bat eta intsektuentzako hotel bat. Horrez gain, sei informazio-panel ipini dira. Panel horietan, inguruari, egindako jarduketei, intsektuentzako hotelari, orkideen lorategiari, anfibioentzako hezeguneari eta artelatzari buruzko informazioa jaso da.
Bilbok 6,6 milioi euro bideratuko ditu uriko hainbat puntu neuralgikotan bizikleta eta oinezkoentzako konexioak hobetzeko
16/07/2024
Bilboko Udaleko Mugikortasun eta Jasangarritasun Sailak zenbait jarduketa egingo ditu bidegorrien eta oinezkoentzako sarbideen sarea hobetzeko uriko hiru puntu neuralgikotan: Zumalacarregui etorbidea eta Begoñaren arteko lotura, Agirre Lehendakariaren etorbidea eta Deustuko zubia, eta Irala eta Miribilla auzoen arteko lotura.
Hiru jarduketak faseka gauzatuko dira 2024ko bigarren seihilekoan eta 2025ean, eta guztira 6,6 milioi euroko inbertsioa aurreikusten da; horren erdia Europako funtsekin ordainduko da.
Bilbao Bizkaia Harroren hamargarren urteurrenean, kultur jarduera
ugari eta artista hasiberrien aldeko apustua
04/07/2024
Dena prest dago ortzadarra Bizkaitik barrena zabal dadin, lurraldearen kostaldetik Bizkaiko barnealderaino. Ekainaren 14tik 23ra, Bilbao Bizkaia HARRO ekimenak hamar urte beteko ditu.
Hitzarmen berriak, kultur proposamenak eta artista hasiberrien aldeko apustua ditugu aurtengo programaren osagaiak. Hamar urte geroago, ekimen honek kultura eta aisialdiaren alde egiten du LGBTI+ eskubideen aldeko sentsibilizazioa sustatu eta borroka egiteko tresna gisa; hain zuzen ere, eskubideen aurkako mugimenduak oraindik ere eskubideok zalantzan jartzen eta kolektiboari eraso egiten jarraitzen du, Lurraren bazter guztietan.
BBHARROk hamargarren edizioa du aurtengoa, eta inoiz baino eskualde gehiagotan izango da: Derion (Txorierri), Santurtzin (Ezkerraldea), Sodupe Gueñesen (Enkarterri) eta Getxon (Eskuinaldea).
Bilboko Kalealdiak irisgarritasuna hobetu du eta Erronka Garbia ziurtagiria jaso du beste behin
27/06/2024
Aurten 25. edizioa ospatuko duen BILBOKO KALEALDIA Antzerki eta Arte Jaialdiak bi helburu ezarri ditu: irisgarriagoa izatea, programazioa ahalik eta jende gehienarengana iristeko, eta, bigarrenik, ekitaldi jasangarri gisa sendotzea, ikuskizunak egiten diren ingurunea gehiago errespetatuz.
Publiko guztiei kultur programaziorako irisgarritasuna errazteko, BILBOKO KALEALDIAk neurri batzuk ezarriko ditu eta neurri horiek ugaritzen joango dira hurrengo edizioetan. Lehenik eta behin, Kamikaz Kolektiboaren “Troia” (uztailaren 2an, 19:15ean, Doña Casilda parkeko pergolan) eta Hortzmuga Teatroaren “Agurea, urpekaria eta itsasoa” (uztailaren 3an, 17:45ean eta 20:30ean, Casilda parkeko ahateen urmaelaren inguruan) testuak dituzten bi ikuskizunek zeinu hizkuntzako interpreteak izango dituzte.
Bilboko Udalak Bilboko bide publikoan bisita gidatuak egiteko jardunbide egokien Eskuliburua aurkeztu du
21/06/2024
Bilboko Udalak Bilboko Bide Publikoan Bisita Gidatuak Egiteko Jardunbide Egokien Eskuliburua aurkeztu du. Dokumentuak jaso egiten du azken hilabeteotan zehar Euskadiko gidari turistikoen eta hartzaileen elkarteekin batera egin den lana, eta eskuragarri dago lau hizkuntzatan: euskaraz, gaztelaniaz, ingelesez eta frantsesez.
ASOARTE (Euskadiko Turismo Hartzaileen Agentzien Elkartea), ATRAE (Euskadiko Turismo Agentzia Hartzaileak), AEAVE Euskadi (Euskadiko Bidaia Agentzien Enpresa Elkartea) eta Apit Euskadi (Euskal Autonomia Erkidegoko Turismo Gidarien Elkartea) erakundeen izenean, Carmen Romok, Chelo Escabiasek, Enrique Hernáezek eta Aitor Delgadok, hurrenez hurren, Bilboko Udaleko Garapen Ekonomiko, Merkataritza, Turismo eta Enpleguko Zinegotzi Xabier Ochandianorekin batera sinatu dute jardunbide egokien eskuliburura atxikitzeko konpromisoa; Eskuliburuan ezarritako ildoekin bat egiten duten eragile guztiei prestigioa eta legitimazioa ematea du xede.
Bilbao Convention Bureauk
ziurtagiria lortu du Biosphererekin
14/05/2024
Bilbao Convention Bureauk lortu berri du bere ziurtagiria Biosphererekin. Erakunde edo destino batek 2023 Agendako Garapen Jasangarriko Helburuen aldeko ekintzekin duen konpromisoa ikuskatzen duen turismo sektorearen nazioarteko erreferentea da Biosphere enpresa. Sektoreak maila globalean bere helburuak 17 GJHekin lerrokatzeko duen gero eta interes handiagoaren ondorioz erakundeak abenduan bere bazkideekin batera hasitako prozesu bat eratu baten emaitza da. Prozesu horren beste emaitza bat, era berean, joan den martxoan Iberdrola Dorreak eskuratu zuen ziurtagiria izan zen.
Bilbao Convention Bureauren kasuan berariaz aintzatesten dira kudeaketa estandarrak betetzeko ahaleginak, hau da, gizartean eragin positiboak izatea lortuz eta, aldi berean, hiriko MICE jardueraren kudeaketa arduratsu eta jasangarriko jardunbide egokiak aitortuz.
Behin betiko onartu da ekainaren 15ean indarrean jarriko den emisio gutxiko eremua arautzeko ordenantza
10/05/2024
Ibilgailuen zirkulazioa da kutsadura iturri nagusia Bilbon, eta airearen kalitateari eta biztanleen ongizate akustikoari eragiten die. Urtero, kutsadura atmosferikoak 10.000 heriotza inguru eragiten ditu Espainian (trafiko istripuek eragindako heriotzak baino gehiago).
Bilboko Udalak, erronka horien jakitun, EGE ezartzeko, arau argiak proposatzen dituen ordenantza bat onartu du; osasun publikoa eta airearen kalitatea hobetzeko, oinez, bizikletaz edo garraio publikoan mugikortasuna bultzatzeko, herritarrei beren betebehar eta eskubideen berri emateko eta legezko betebeharrak betetzeko. Ordenantza hori diseinatzeko, airearen kalitatearen etorkizuneko beharrak eta Bilboko egungo egoera hartu dira kontuan. Besteak beste, azterlan sakon bat egin da azken urteetan zirkulatu duten ibilgailuei buruz. 100.000 neurketatik gora egin dira horretarako, hamahiru kontrol puntutan. Azterlan hori hiriko airearen kalitatearen azterketa batekin batera egin da, abiapuntua eta bete beharreko helburuak parametrizatzeko, eta ondorioztatu da hirian zirkulatzen duten ibilgailuen %50 inguru A edo B kategoriakoak direla.
Bilbao Convention Bureauk gizarte eragina neurtzen eta kudeatzen ikasteko komunitate batean parte hartu du.
08/04/2024
MICE jardueraren gizarte eragina neurtzea nahitaezko lehen pausoa da inpaktu estrategia eraginkorretan aurrera egin ahal izat eko ; hain zuzen ere, Bilbao Convention Bureauk #Meet4Impact -ekin batera martxoan antolatutako bi tailerretan (LEGATUAREN TAILERRERAKO ESTEKA) agerian jarri zen hori. Horrenbestez, eta Bilboko gizarte eraginaren ekosistemarekin sinergiak sortzen jarraitzeko asmoz, hilabete honetan gure erakundea gizarte eragina kudeatzen eta neurtzen ikasteko komunitate batean sartu da, BBK Kuna eta Esade Center for Social Impact (ECSI) zentroaren ekimena dena.
Ekimen honek Inpaktua Neurtu eta Kudeatzeko Europako Praktika Komunitatea du oinarri, 2020. urteaz geroztik BBKk eta Esadek sustatutakoa, eta formatu hibridoan garatuko da 2024ko maiatzetik azarora bitartean . Programaren bigarren edizioa dugu hau, eta aurten 30 erakundek parte hartuko dute , besteak beste: hezkuntza eta kultura arloko erakundeak, enpresa pribatuak, garapen sozial eta komunitarioko entitateak, irabazi asmorik gabeko erakundeak, erakunde publikoak… guztiak ere Bilbo Bizkaian errotuta daudenak.
Helburua da erakunde ba koitzak programa amaitzen duenean bere inpaktu estrategia propioa garatu izana, bere lan eremuetan berrikuntza praktikak eta aldaketa positiboak sortzeko aukera
emango diona, gaikuntzaren eta jardunbide egokien aplikazioaren bidez. Horretarako, metodologiak ikuspegi kolaboratibo argia du, non parte hartzaile berriek etekinak atera ditzaketen dagoeneko aurreratuago dauden kideen jardunbideetatik.
Ekitaldien legatua elkarrekin landuz
07/03/2024
Aste honetan, Bilbao Convention Bureauk, #Meet4Impact MICEn espezializatutako gizarte eragineko aholkularitzarekin lankidetzan , bi tailer antolatu ditu, B ilbon ekitaldiek eskaintzen duten aukeraren inguruan legatua eta inpaktu positiboa sortzeko . Hauxe izan zen helburua: Bilbao Convention Bureauko kideak, elkartekideak eta #BilbaoArimaBerdea ko kideak gaitzea inpaktu positiboko
estrategia bat garatzeko, bai eta hirian inpaktu positiboa duten proiektu pilotuak ezartzeko interesa duten tokiko kolaboratzaileen sare bat ezartzea ere.
Geneviève Leclerc, #Meet4Impact erakundearen sortzaile eta CEOak, eta Beatriz Ibañez, erakunde bereko Senior Social Impact Consul tant ak, gidatu zituzten saioak. Lehenengoan, ingurune proaktibo eta erlaxatu batean murgilduta, ekitaldien sektoreak eskaintzen duen gizarte inpaktu positiboaren potentzialtasunean sakondu nahi duten Bilbao Convention Bureauko enpresa bazkideak bildu ziren.
Iberdrola Dorrea, Biosphere zigiluaren ziurtagiria jaso duen Bilbao Convention Bureau elkarteko lehenengo enpresa kidea
18/03/2024
Hilabete batzuk igaro dira soilik Bilbao Convention Bureauk Biosphere zigiluarekin baterako ziurtatze-prozesua hasi zuenetik Agenda 2023ko Garapen Jasangarrirako Helburuekin elkarteak eta enpresa elkartekideek duten konpromisoa ikuskatze aldera (Biosphere ziurtagiriei buruzko albistera esteka). Programaren lehenengo arrakasta heldu da jada Iberdrola Dorrearen ziurtagiriari esker, Bilbao Biosphere Certified izendapena lortu duen lehenengo egoitza baita.
Iberdrola Dorrearen ziurtagiriaren bidez, aintzatesten dira jasangarritasunaren eta erantzukizun sozial korporatiboren esparruetan egindako ahaleginak; halaber, 2012an LEED platino ziurtagiri bikoitza ezaguna lortu zuen.
Etengabeko parte-hartzea
Iberdrola Dorreaz gain, Bilbao Convention Bureau eta elkartekide diren dozenaka enpresa Biosphere ziurtagiria lortzeko prozesuan daude; nazioarteko aintzatespena duen erakundea da eta hirugarren alderdi independente batek ikuskatzen du. Bilbao Convention Bureauk laguntza ekonomikoa eta aholkularitza eskaintzen ditu eta elkartekide diren enpresa guztiei ematen die aukera Biosphere ziurtagiria eskuratzeko programan sartzeko, haien sektorea edozein dela ere.
Bilbao Convention Bureau bizikleta-bidaiak antolatzen dituzten Europa osoko agentziekin bildu da lankidetza-bide berriak bilatzeko.
29/02/2024
Cycle Cities Sinposioa bizikleta-bidaiak antolatzen dituzten agentziei zuzendutako networking ekitaldirik zaharrena da, eta X. edizioa Bilbon egin zen, otsailaren 26tik 28ra. Sinposio horren esparruan, Kepa Olabarrietak, Bilbao Convention Bureauko zuzendariak aurkezpen bat eskaini zuen, gure hiriak bidaia-antolatzaileen, gobernu-erakundeen eta tokiko turismo-elkarteen artean harreman emankorrak ezartzeko duen esperientziari buruz.
Topaketara 70 bidaia-antolatzaile, bizikleta-bidaietara bideratutako hotelak, bizikleta- eta bidaia-markak eta sektoreko profesionalak bertaratu ziren, Tourné Bilbao tokiko antolatzailearekin lankidetzan dihardun Cycle Cities sareak gonbidatuta. Saioak izaera parte-hartzailea izan zuen, eta honako gai hauek aztertu ziren: lankidetza-modalitate berriak, tokiko turismo elkarteekin lankidetzan aritzeko ikuspegi eraginkorrak eta zikloturismoaren erakargarritasunaren goraldia, kirol hau oso errotuta dagoen hiri batean.
Erreumatologiako espezialistak eta Bilboko udala, ingurumenarekin konprometiturik biztanleriaren osasuna zaintzeko
20/02/2024
Espainiako Erreumatologia Sozietateak ‘Gaixotasun Autoimmuneen IX. Sinposioa’ antolatu du Bilbon otsailaren 16 eta 17an. Hori dela-eta, 350 espezialista baino gehiago etorri dira hirira. SER sozietateak, ingurumenarekin daukan konpromisoaren erakusgarri, horrek dakarren inpaktu negatiboa ekintza positibo batekin ordaindu gura izan du, Etxebarria parkean Quercus robur zuhaitzen zenbait ale landatuz, Bilboko Udalaren laguntzaz.
Mundu osoan, gero eta jende gehiago bizi da hiriguneetan. Beroaldi sarriek argi erakusten dute hirien erdialdeak gehiago berotzen direla periferia baino. Efektu hori zuhaitz eta berdegune gehiagorekin arindu liteke. Parkeetako eta zuhaitzak dituzten guneetako tenperaturak txikiagoak dira asfaltozko inguruneetakoak baino. Gainera, itzalak eguzki-izpietatik babesten gaitu. Arazo hori oso larria da gaixotasun autoimmuneak dauzkaten pazienteentzat, hala nola lupusa edo Sjögren-en sindromea, Vegas doktoreak azpimarratu duenez: “Oso ezaguna da lupus eritematoso sistemikoa duten gaixoentzat arriskutsua dela argi ultramorearen pean egotea; horrek zerikusi handia dauka fotosentikortasunaren eta energia sistemikoaren gehikuntzarekin”.
Espainiako Erreumatologia Sozietatearen, Bilboko Udalaren eta Euskadiko Erreumatologia Sozietatearen arteko kolaborazio honek 2030 Agendako Garapen Jasangarriaren Helburuak lortzen laguntzen du; legatu hori oso garrantzitsua da hiru erakundeontzat.
Bilbon ekitaldi arduratsuen antolakuntza sustatzeko tresna jasangarrien portfolio berria
15/01/2024
Bilbao Convention Bureauk 2021ean Garapen Jasangarriaren Helburuekin lerrokatuago dagoen MICE sektore baterantz aurrera egiteko abenturari ekin zionetik, gero eta gehiago dira Bilbao Bizkaiaren helburuak egokitzen joan diren enpresa eta erakundeak, gure ingurunean gizarte- eta ingurumen-inpaktu positiboa izango duten irtenbide konprometituagoak eskaintzeko. Kezka hori partekatzen dute agentziek eta ekitaldien antolatzaileek, zeinek gero eta interes handiagoa duten karbono-aztarna neurtzeko eta konpentsatzeko, bai eta hirian eragin positiboa eta legatua utziko duten ekintzak sortzeko ere.
Lan hori errazteko eta sustatzeko asmoz, Bilbao Convention Bureauk tresna jasangarrien portfolio bat sortu du, non MICE ekitaldiak antolatzean GJHen alde lan egiteko gomendioak, egiaztatutako hornitzaileak eta ideia asko biltzen diren: karbono-aztarna neurtu eta itzultzea, elikagaien soberakinak murriztu eta dohaintzan ematea, kontratazio inklusiboa eta sozialki arduratsua egitea, irisgarritasun unibertsala, jatetxe-zerbitzu organikoak eta zero kilometrokoak, sentsibilizazio- eta laguntza-jarduerak kolektibo ahulen proiektuetarako…
Esteka horretara sartzeko, jar zaitez gurekin harremanetan: bicb@bilbaoturismo.bilbao.eus
Bizikleta erabiltzea zuhaitzak landatzearekin lotzen duen kanpaina bat aurkeztu du bilbok
01/12/2023
Ekimen horren bidez, garapen jasangarriari nabarmen laguntzen dioten bi jarduera bateratzea da helburua: batetik, atmosferan CO2 xurgatzea errazten duten zuhaitzen kopurua handitzea, eta, bestetik, bizikleta mugikortasun osasungarri eta jasangarri gisa erabiltzea.
Ekimena Bilboko Udaleko Mugikortasun eta Jasangarritasun Sailaren (BilbaoBiziren bidez) eta Lurgaia Fundazioaren arteko akordio baten emaitza da. Fundazio hori irabazi-asmorik gabeko erakunde bat da, eta ekosistemak eta, bereziki, basoak lehengoratzeko eta kontserbatzeko egiten du lan.
Kanpainak Iberdrolaren babesa izango du, eta oinarria da BilbaoBizik egindako bi mila bizikleta-maileguko Lurgaia Fundazioak zuhaitz bat landatzea. Bizikletak mailegatzeko zerbitzu publiko batek Espainian egiten duen mota horretako lehenbiziko esperientzia da.
Bilbao Convention Bureauk eta enpresa elkartekideek ziurtatze-prozesu bat hasi dute Biosphere zigiluarekin.
04/12/2023
Bilbao Convention Bureauk iaz Global Destination Sustainability Movement-ekin lankidetzan antolatu zuen ekitaldi jasangarriei buruzko tailerrean atera zen ondorio nagusietako bat izan zen eta, azkenik, errealitate bihurtu da. Erakundeak baterako ziurtatze-prozesua hasi du Biosphere ziurtagiriarekin; nazioarteko erreferentea da eta Agenda 2023ko Garapen Jasangarrirako Helburuen aldeko ekintzekin enpresek eta helmuga turistikoek duten konpromisoa ikuskatzeaz arduratzen da. Horren bitartez, Bilbao Convention Bureauk eta elkartekide diren askotariko enpresa ugarik (egoitzak, hotelak, bidaia-agentzia hartzaileak, biltzar-antolatzaile profesionalak, hotelak, etab.) izapideak hasi dituzte jada aipatutako helburuak betetzen dituzten neurtzeko eta horien betetze-maila hobetzeko; hala ere, zabalik mantenduko da programa izen-emate gehiago egon daitezen, eta laguntza ekonomikoa eta aholkularitza eskainiko dira prozesu guztian zehar.
Biosphere ziurtagiriak nazioarteko aintzatespena du eta hirugarren alderdi independente batek ikuskatzen du. Turismo Arduratsuaren Institutuak ematen du, hau da, UNESCOri lotutako irabazi-asmorik gabeko eta gobernuz kanpoko erakundeak, zeina Turismoaren Mundu Erakundeari (TME) lotuta baitago eta zeina Turismo Jasangarri Globalerako Kontseiluaren (GSTC)) kide baita; turismoaren balio-katea osatzen duten sektore guztiak hartzen ditu barne.
Erabilerraza eta intuitiboa den plataforma digital baten bitartez, etengabeko hobekuntza-prozesu batean parte hartzeko aukera eskaintzen du programak. Hala, “Biosphere Jasangarritasun Plana” garatu da, ehunka jarduera eta ekintza jasangarriren bidez enpresa bakoitzaren beharretara egokitzen dena.
SEFHren 68. biltzarra, GJHekiko konpromisoaren adibidea ospitaleko farmaziaren sektorean
09/10/2023
Joan den astean Bilbao Convention Bureau elkarlanean aritu zen Ospitaleko Farmaziaren Espainiako Elkartearekin (SEFH), 68. biltzarra egiteko. Topaketa horren bidez amaiera eman zitzaion jasangarritasunaren aldeko urte oso aktiboa izandakoari, ospitaleko farmaziaren praktika profesi onaletik abiatuta. Izan ere, Nazio Batuen Mundu Itunarekin bat egin duen Espainiako lehen elkarte zientifikoa da SEFH , eta urte osoan zehar garatu du 2023 + SOStenible proiektua . Proiektu horren baitan hainbat kanpaina jarri ditu martxan hondakinak murrizteko, sendagaiak berrerabiltzeko, genero ikuspegia osasun politikei aplikatzeko edo inguruko gizarte baliabideak hobeto ezagutzeko; horrez gain, beste ekimen profes ional interesgarri batzuk ere egin ditu.
Jasangarritasunaren aldeko apustu horren baitan, SEFHren 68. biltzarra diseinatzerako orduan, kontuan hartu ziren Bilboko Euskalduna Jauregian 1.300 profesional biltzeak ingurumenean eta gizartean duen eragina . Helburua hori izanik, Bilbao Convention Bureauk inkesta xehatu bat egin zien bertaratutakoei, eta, horri esker, beren egonaldiaren eta hirira egindako joan etorrien karbono aztarna neurtu ahal izan zuten . Ondoren, Urdaibai ko Biosfera Erreserban zuhaitzak landatzearen
bidez , neurtutako 34,878 t CO2 itzultzea sustatu zuen SEFHk.
Bilbo mundu mailako zazpigarren hiri ertain onena bihurtu da “global destination sustainability” indizean
06/10/2023
Bilbo 24. postura iritsi da bilerak, sustapen-bidaiak, konferentziak eta erakustaldiak egiteko destino jasangarriak diren nazioarteko 100 hiri erakargarrienen artean.
Global Destination Sustainability rankinga gizarte, ekonomia zein ingurumenaren ikuspegitik jasangarritasuna bultzatzeko estrategia bateratuak sortzea helburu duen hiriek osatzen dute.
Bilbok «metrominuto» aurkeztuko du gaur, oinezko mugikortasuna bultzatzen jarraitzeko hiriko puntu nagusien mapa
20/09/2023
Bilboko Udalaren Mugikortasun eta Jasangarritasun Saila ez da konformatzen gaur egun dauden oinezkoen joan-etorri kopuru handiarekin –uriko eguneroko barne-desplazamendu guztien % 65 dira–. Horregatik, datu on hori areagotzeko, Nora Abete alkateorde eta saileko zinegotziak «Metrominuto», uriko puntu nagusien artean dauden distantziak eta denborak neurtzen dituen mapa, aurkeztu du gaur 2023ko Mugikortasunaren Europako Astearen jarduera-programaren esparruan.
«Metrominuto» mapa sinoptiko bat da, eta hiri bakoitzeko zenbait punturen arteko distantziak eta denborak neurtzen ditu Mapak hiri bakoitzaren zentralitate nagusiak (zerbitzuak, plazak, parkeak, auzo-zentroak…) eta haien arteko distantzia adierazten ditu, metrotan eta minututan adierazita. Metro-mapetako ikusizko kodeak erabiltzen ditu, hiri handietako garraiobide esanguratsuetako bati keinu eginez, baina hiriei aplikatuta.
Bilbok Aste Nagusi geroz eta jasangarriago bat nahi du, garapen jasangarriko helburuak (GJH) xede izango dituen bat
10/08/2023
Bilboko udalak aurrera egin du datorren Aste Nagusiko prestakizunetan: gertakari jendetsu bat, geroz eta jasangarriagoa izateko desafioari aurre egiteko xedea duena. Aurten, ostera ere, bat egingo du 2030 Agendan jasotako Garapen Jasangarriko 17 Helburuekin (GJH), zeintzuk ostera ere izango baitira protagonista, esate baterako, Kasilda Iturrizar parkeko Txikigunean.
Horrela, bada, abuztuaren 20tik 27ra bitartean, 0-12 urteko adingabeak balioetan heziko dituzte modu ludiko, dinamiko eta parte-hartzaile batean, eta ingurumen-hondamendiak prebenitzeari eta konpontzeari buruzko oinarrizko ezagutzak emango zaizkie.
Gure jasangarritasun konpromisoen komunikazioan aurrera
14/07/2023
Jasangarritasunaren Estrategiarekin bat etorriz, Bilbao Convention Bureauk urteak daramatza MICE sektorea kontzientziatzen sektorearen beraren jardueren aztarna
ekologiko eta so zialaren inguruan; horretarako, hirian antolatzen diren fam trip programen alternatiba bideragarriak, errespetutsuak eta jasangarriak sustatzen eta eskaintzen ditu.
2023an, ekimen jasangarri horien inguruko komunikazioa hobetzeko hainbat neurri hartu dira; ildo horretatik, gaur bertan Poloniako eragile talde bat hiriko MICE baliabideak ezagutzera iritsi denez, Bilbao Convention Bureauk infografia erakargarri batzuk estreinatu ditu fam trip programetan. Infografia horietan, erraz eta modu bisualean azpimar ratu dira isuriak murrizteko neurriak eta bisitatuko diren baliabide iraunkorrak.
Bilbok 2023ko Eurocities saria jaso du, Diversitours/Aniztasuna Tours kultur aniztasunari eta migrazioari buruzko bisita gidatuen proiektuagatik
15/06/2023
Diversitours / Aniztasuna Tours aurrez aurreko bisitak eta bisita birtualak eskaintzen dituen kultur arteko proiektu komunitarioak atzo jaso zuen Brussels Urban Summit goi-bileran banatu den 2023ko Eurocities sarearen saria, kategoria honetan: “Giza mugikortasun globaletik tokiko komunitatearen kohesiora igarotzea”. Proiektuaren helburua migrazioari buruzko estereotipoak desagerraraztea da, eta, horretarako, kulturen arteko bizikidetza eta migrazio historia esanguratsua duten Bilboko hiru auzotako espazioetara eta proiektuetara hurbiltzen dituzte parte-hartzaileak. Bilboko Udaleko Berdintasuna, Bizikidetza, Lankidetza eta Immigrazio Arloak, KOOP SF34 eta Moviltik erakunde sozialekin batera, sustatutako proiektu bat da.
Theodora Fundazioarekin lankidetzan aritu gara, ospitaleratutako haurrei irribarrea ateratzeko asmoz
Atzo, Ameriketako Estatu Batuetako eta Kanadako eragile eta sustatzaileekin antolatutako fam trip bidaiaren baitan, martxan jarri genuen Bilbao Convention Bureauk Theodora fundazioarekin adostutako lankidetza. Nazioarteko erakunde horren helburua, besteak beste, Bilboko Basurtuko ospitalean dauden haurren esperientzia leuntzea da.
Gran Hotel Domine, hoteleko terrazan kafea hartzeko tarte atsegin bat aprobetxatuz, taldeak “Gogó doktorearen” bisita jaso zuen. Ospitaleratutako haurrak bisitatu, lagundu eta haiekin jolasten duen doktoreak bere esperientziaren berri eman zien, eta dramak uxatu eta egoera arintzeak daukan garrantzi terapeutikoari buruz hitz egin zuen, haurrek egonaldi atsegina izan dezaten. Arazoa hobetzen laguntzeko, parte hartzaileek pijama solidarioak diseinatu zituzten, ospitaleratutako Bilboko paziente gaztetxoak harritzeko asmoz.
Ekitaldi-programa jasangarriagoak komunikatzen eta zabaltzen lagunduz
2023/05/15
Bilbao Convention Bureauk urteak daramatza hirian antolatzen dituen fam trip bidaien egitarauan gizarte- eta ingurumen-erantzukizuneko proposamenak ezartzen: joan-etorriak oinez edo gutxien kutsatzen duen garraiobidean egitea, karbono-aztarna kalkulatu eta konpentsatzea, FLOSS produktuetan (produktu fresko, lokal, organiko, iraunkor eta sasoikoak) oinarritutako elikadura ezartzea, ingurumen- eta kultura-ondarearekiko konpromisoa, MICE proposamen jasangarrienetara hurbiltzea, tokiko boluntariotza-jardueretan parte hartzea…
Gaurtik aurrera, esperientzia hori guztia Ameriketako Estatu Batuetatik eta Kanadatik etorritako eragile eta sustatzaileekin egingo den fam trip batean aplikatuko du, Tourspainekin batera antolatutakoa. Nobedadeak egongo dira, izan ere, programaren dokumentazioari “Ingurumen-konpromisoa” izeneko atal bat erantsiko zaio, isuriak murrizteko eta konpentsatzeko neurri bakoitzari eta bisitatuko diren proiektu eta erakunde jasangarriei buruzko informazio zehatza emateko. Keinu txiki bat da, sektoreko profesionalen artean kontzientzia sortzeko eta tokiko eragile konprometituenen lana nabarmentzeko.
Bilbok “Bilbo Jasangarria: 2030 Agenda eta GJH-ak” ekintza plana aurkeztu du, giza garapen jasangarriarekin duen konpromisoaren erakusgarri
2023/03/23
Bilboko Udalak jendaurrean aurkeztu du “Bilbo jasangarria: 2030 Agenda eta GJHak” dokumentua, hau da, Garapen Jasangarriko Helburuak (GJHak) hirian kokatzeko Ekintza Plana.
2021az geroztik, zeharkakotzat jotzen den lan horretan udal sail guztiek parte hartu dute, eta UN ETXEA-ren eta Coop & Co-ren lankidetza izan du. Helburua izan da “erakundeek, entitate pribatuek eta herritarrek bultzatutako eguneroko hainbat ekintza identifikatzea –balioei eta GJHei lotutakoak–, zeinak gero eta udalerri jasangarriago, justuago, solidarioago, inklusiboago, pluralago eta askotarikoago bat sortzen laguntzen baitute”. Hala azaldu du Juan Mari Aburto alkateak, ekitaldiko buruak.
Bilbao BBK Live mundu osoan erreferente den ‘B Corp Jaialdia’ bihurtu da
2023/03/09
Bilbao BBK Live musika-jaialdia mundu osoan erreferente da, eta, orain, B Corp komunitatearekin bat egin du, Cala Mijas eta Azkena Rock Festival jaialdiekin batera; izan ere, Last Tour sustatzaile eta aktibatzaile sozialak antolatzen ditu hiru jaialdiak. Erakunde batek –gure kasuan, Bilbao BBK Live jaialdiak– gizarterako, erakundearekin lotutako pertsonentzako eta ingurumenerako inpaktu sozial positiboa lortzeko egiten dituen ahaleginak ebaluatzen eta egiaztatzen ditu B Corp mugimendu globalak, eta gizartea aldatzeko gure helburua etengabe berrikustera bultzatzen gaitu.
Bi urteko azterketa eta ebaluazio prozesu zorrotz baten ondoren lortu da errekonozimendua, eta ebaluatzen diren enpresen % 4k baino ez du gainditzen prozesu hori. B Corp komunitatean sartzeko erabakigarriak izan dira, besteak beste, Bilbao BBK Live jaialdiaren ingurumen-inpaktua murrizteko egindako jarduerak, hondakin gutxiago sortzeko eta hondakinak bereizi eta birziklatzeko sistema zorrotz baten bitartez; energia-efizientziako neurriak, jaialdiaren eremuan edateko ura doan izatea eta komunak kimikorik gabeko sare batera konektatuta egotea. Baloratu dira, halaber, mugikortasun jasangarria sustatzea, sexu-erasoen aurkako eta genero-berdintasunaren aldeko prebentzioko eta sentsibilizazioko programak, baita doako kontzertuen programazioa ere. Bilbori egiten zaion ekarpena eta hirian duen inpaktu ekonomiko garrantzitsua ere funtsezkoak izan dira B Corp komunitateko kide bihurtzeko, eta honako alderdi hauek ere nabarmendu dituzte: tokiko lantaldeak kontratatzea, baso-eremuak basoberritzeko eta egoera ahulean dauden kolektiboei laguntzeko dohaintzak Bizkaiko Elikagaien Bankua, Zierbena Sarea, Ongi Etorri Errefuxiatuak, Ukraina Euskadi eta Zaporeak elkarteen bitartez; eta pandemia garaian zuzeneko musikaren arloko profesionalei laguntzeko egindako ekimenak.
Urdaibaiko Biosfera Erreserban zuhaitz autoktono berriak, fam trip bidai baten emisioak konpentsatzeko
2023/03/08
Bilbao Convention Bureauk berriki jaso du, joan den udan, Parisko Espainiako turismo-bulegoarekin lankidetzan, Frantziako zenbait agenterekin antolatutako fam trip bidaiaren ondorioz isuritako 3.607 CO2en xurgapen-agiria. Bidaia egin zenekoa ez zen zuhaitz-ale berriak landatzeko sasoirik onena, horregatik, ezinezkoa izan zen —beste batzuetan ez bezala— taldea inplikatzea. Horiek horrela, Impredecible Basoa, ziurtagiriak igortzen dituen erakundea, arduratu da lan hori egiteaz.
Zehazki, hamaika zuhaitz autoktono landatu dira Muniketaganan, Urdaibaiko Biosfera Erreserbaren bihotzean, karbono-aztarna xurgatzeko lagatako baso kolaboratibo eta iraunkor batean. Zuhaitzek 40 urtetan zehar xurgatuko duten CO2ak taldearen isuriak konpentsatuko ditu, gure ingurune natural aberats eta pribilegiatuenetako baten biodibertsitatea sustatzeaz gain.
Bilboko hogei bat hotelek ekoizle handientzako hondakinak biltzeko udalaren proiektu piloto batean parte hartu dute
2023/02/16
Bilbao Convention Bureauk urtarrilaren 23an antolatutako saioaren ondoren, hiriko hogeita bat hoteletan dagoeneko hasiak dira Bilboko Udaleko Bizi Kalitatearen eta Zerbitzuen Arloak antolatutako programa pilotu batean parte hartzeko prestakuntzak egiten. Proiektu horren bidez ekoizle handien hondakinak atez ate biltzea da asmoa.
Programa horretan parte hartuz, hotelek benetako informazio trazagarria eskuratu ahal izango dute sortzen dituzten hondakinen nolakotasunari eta bolumenari buruz, eta, horrela, horiek tratatzeko eta murrizteko erabaki hobeagoak hartu ahal izango dituzte.
Ekitaldi jasangarriaren tailerra
2023/02/06
Guy Bigwood leku jasangarriak sortzeko aditu ospetsuak eta Global Destinations Sustainability Index-eko sortzaileak eta turismo irisgarri eta jasangarriko Mònica Molina espezialistak elkarrekin gidatuko gaituzte atal praktiko honetan, eta haiekin batera ekitaldien kudeaketa jasangarrirako jardunbide egokien adibideak aztertuko ditugu, zuen eguneroko zalantzak argituko ditugu, Bilboko ekitaldi jasangarrien mapa prestatuko dugu eta elkarrekin egingo dugu lan jasangarritasunaren inguruko geure kongresua diseinatzeko.
Innovate4Climate 2023 biltzarra hartuko du BECek
2023/01/21
Bilbao Convention Bureau-ren eta BECen elkarlanari esker, BECek World Bank Group taldearen Innovate4Climate nazioarteko biltzarra hartuko du, maiatzaren 23tik 25era. Maila goreneko ekitaldi bat da, non sektore publiko eta pribatuko liderrek irtenbide klimatiko berritzaileenak eztabaidatuko dituzten, finantzen, politikaren eta teknologiaren ikuspuntutik. Ekitaldi honekin, I4C biltzarrak aurrez aurreko bilerak berrabiaraziko ditu. Formatu horretan egindako azken edizioak 82 herrialdetako 1.200 ordezkari baino gehiago bildu zituen.
Hoteletan etxekoak ez diren hondakinak biltzea hobetzeko proiektu pilotoaren aurkezpena
2023/01/09
Marta Barcok, Bilboko Udaleko Bizi Kalitatearen eta Zerbitzuen zuzendariak, ekoizle handiei hondakinak atez ate biltzeko Bilboko Udalaren proiektu pilotu hau aurkeztuko dio hiriko hotelen sektoreari. Programan parte hartuz, hotelek benetako informazio trazagarria eskuratu ahal izango dute sortzen dituzten hondakinen nolakotasunari eta bolumenari buruz, eta, horrela, horiek tratatzeko eta murrizteko erabaki hobeagoak hartu ahal izango dituzte.
Aurrepausuak Bilbao Convention Bureau-ren “zero paper” politikan
2023/01/19
Bilbao Convention Bureau-ren eguneroko jardueran paper gutxiago erabiltzeko hartu ditugun neurriekin bat etorriz, aurten Forms aplikazioa erabiliko da urtero egiten ditugun inkesta guztiak betetzeko. Neurri horri esker nabarmen murriztuko da paperaren kontsumoa; izan ere, aurten soilik, Bilbao Convention Bureauk 300 inkesta baino gehiago egingo dizkie in situ hirian antolatutako MICE bileretan parte hartuko duten ordezkariei, bai eta fam trip bidaietako parte-hartzaileei eta sustapen-lanetan inplikatutako beste eragile batzuei ere.
Bilbok aurrera egin du hiriko ekitaldien sektoreko karbono-aztarnaren neurketan
2022/12/14
Ekitaldien sektorearen ingurumen-inpaktua neurtzeko eta murrizteko konpromisoari helduz, Bilbao Convention Bureau hiriko MICE bileretara datozen pertsonen mugikortasunaren ondoriozko karbono-isuriak neurtzen hasiko da. Horretarako, “Bilbo hiriko bilera-turismoa neurtzeko txostena” hartuko da oinarri gisa. Urtero egiten den azterlan horretan, dagoeneko sektorearen beste markatzaile batzuk aztertzen dira, hiriko meetings & events sektorea osatzen duten eragile publiko eta pribatuen lana bideratuko duen informazioa izateko.
Zehazki, 2023an 300 lagun baino gehixeago elkarrizketatuko dira Bilboko MICE jardueraren adierazgarri diren profesionalen arteko 30 bileratan. Elkarrizketatuek honako alderdi hauek zehaztu beharko dituzte, besteak beste: nondik datozen, zer garraiobide aukeratu duten eta zer bidaia-ibilbide egingo duten, baita bidaiak aisialdirako edo lanerako beste helmugarik barne hartzen duen adierazi ere.
Informazio horri guztiari esker, hautatutako laginaren karbono-aztarna kalkulatu ahal izango da, eta 2023ko MICE jarduera osora estrapolatuko da, Bilboko bileren sektorearen inpaktuaren lehen hurbilketa bat lortzeko, CO2 isuriei dagokionez.
Bilboko helmuga jasangarri gisa eskaintzen dituen proposamenak aurkeztu ditu IBTM 2022 programaren baitan
2022/11/28
Bilbao Convention Bureau-ren zuzendariak, Kepa Olabarrietak, Corporate Experiences Day jardunaldietan parte hartu du gonbidatu gisa astelehen honetan. IBTM 2022 azokaren aurreko egunean egiten den ekitaldi horretan, helmugak eta enpresak erosle korporatiboen aparteko talde murriztu batekin biltzen dira.
American Express-ek antolatu zuen jardunaldia aurten, ekitaldien sektoreko jasangarritasunaren gaian oinarrituta, eta karbono-aztarna neurtzeko eta murrizteko funtsezko joerak eta jardunbide egokiak aztertu ziren. Bilbok jasangarritasunaren hobekuntzaren aldeko helmuga gisa duen konpromisoaren berri eman zuen, bai eta 2022ko Global Destination Sustainability Index zerrendan 33. posturaino aurrera egitea ahalbidetu dioten proposamen eta jardunbide egokiak zehatz-mehatz azaldu ere.
Bilbok 33. postua lortu du Global Destination Sustainability indizean eta mundu mailan hiri ertainen artean bederatzigarren postuan dago
2022/11/17
Bilbok 33. postua lortu du Global Destination Sustainability indizean, bilerak, sustapen-bidaiak, konferentziak eta erakustaldiak egiteko helmuga iraunkorren nazioarteko rankingean. Horrela Bilbo batez bestean bederatzigarren hiri onena da mundu mailan. Iaz Bilbok 42. postua lortu zuen; beraz, azken edizio honetan Bilbok nabarmen hobetu du sektoreari dagokionez duen posizionamendua.
Global Destination Sustainabilityk funtsezko oinarritzat baloratzen du, 71 itemen bidez, NBEren 2030 Agendaren Garapen Jasangarriko Helburuekin bat egitea. Hiribilduaren kasuan Bilbao Convention Bureauk eta bere eta hornitzaileek, “Bilbao Arima Berdea” izeneko lan-batzorde iraunkorrean sartuta daudenek, ezarritako hobekuntzak baloratu dira.
MICE programa batean gizarte-jasangarritasuna eta aukera-berdintasuna integratzea
2022/06/30
Bilbao Convention Bureauk gizarte- eta ingurumen-jasangarritasuneko irizpideak aplikatzen jarraitzen du hirian antolatzen dituen fam trip bidaietan. Oraingoan, Frantziako agentzia-talde baten txanda izan da, aste honetan bertan gure hiria bisitatuko duena, Tourspain-ek egindako bitartekaritza-lanari esker. Ohi bezala, programa horren lehentasuna da lekualdaketak oinez edo gutxien kutsatzen duen garraiobidean egitea; era berean, karbono-aztarna kalkulatu eta konpentsatuko da, zuhaitzak landatuta. Jatekoari dagokionez, zero kilometroko proposamenak egiten dituzten jatetxeetako menuak aukeratu dira.
Programa horrek, halaber, garapen jasangarrirako hamargarren helburua esploratzen du: aukera-berdintasuna eta gizarte-inklusioa. Horretarako, BILBAO FORMARTE Koop.Elk.Txikia bisitatu dute, desgaitasuna duten pertsonentzako arte-eskola bat, hiriaren erdigunean kokatuta dagoena eta MICE sektorerako aukera interesgarriak eskaintzen dituena: eskuz eginiko enpresa-opariak, bertaratuei eta laguntzaileei zuzendutako arte-tailerrak…
Paperezko bisita-txartela kentzea
2022/05/04
Aurten, Bilbao Convention Bureauk paperezko bisita-txartelak kentzea lortu du.
Orain arte, Bureau kongresu edo azoka batera joaten zenean, txartelak banatzen zizkien bezeroei, eta horiek harremanetarako datu guztiak zituzten Bureaurekin harremanetan jarraitzeko.
Hala ere, hemendik aurrera, bezeroak Bilboko standera hurbilduko dira eta beharrezko datu guztiak dituen QR kode bat eskaneatu ahal izango dute.
Horrela, Bureau-ren digitalizazio-prozesuan beste urrats bat egitea lortzen da, eta bisita-txartel fisikoa kentzen da, hondakinak sortzea saihestuz.
Unibertsitate Kongresuen eta Unibertsitate Fundazioen Bulegoen Elkartearen XV. Topaketa
2022/03/25
Joan den martxoan, Bilbao Convention Bureauko zuzendariak Alcalá de Henaresko Unibertsitatearen gonbidapena onartu zuen, eta unibertsitatera joan zen azken hamarkadetan Bilbok jasan duen eraldaketaz eta Unibertsitate Fundazioen eta Unibertsitateen Kongresuen Bulegoen Elkartearen XV. Topaketan iraunkortasunaren alde egin duen apustu sendoaz hitz egitera. Duela gutxira arte erabat industrializatutako hiria izan bazen ere, hiriaren aurpegia garbitu eta iraunkortasunaren aldeko apustu nabarmena egin zen, nazioartean ere aitortutako apustua, alegia.
https://www.fgua.es/xv-encuentro-ocue/
Bilbo munduan gutxien kutsaturik dagoen hirietariko bat
2022/03/15
Berkeley Earth irabazi-asmorik gabeko erakundeak munduan gutxien kutsatuta dauden hirien zerrenda egin du, eta horien artean dago Bilbo.
Horrela, Bilbok Air Quality City List delakoan sartzea lortu du, hau da, munduan gutxien kutsatuta dauden 40 hirien artean.
Ranking horretan airearen kalitatea PM 2,5 partikulen bidez ebaluatzen da. Bilboko airearen kalitatea bikaina da urte osoan. Zerrenda esteka honetan kontsulta daiteke:
http://berkeleyearth.org/air-quality-city-list/
Ondarea ekitaldien gako gisa
2022/01/25
Hirian kongresu bat egin ondoren utzitako ondarea gero eta garrantzitsuagoa da. Antolatzaileek xede-hirian eragin positiboa uzteko moduak bilatzen dituzte, eta, horregatik, beharrezkoa da lan egitea, nola egin jakiteko hainbat aukera eskaini nahian.
Ezinezkoa litzateke hori lortzea Bureauren laguntzarik gabe; hala, hotelak betetzera baino garapen ekonomikora bideratuago dagoen misioa duenez, Bilbao Convention Bureau udalaren sustapen ekonomikoko sailaren barruan dago.
https://www.eventoplus.com/articulos/el-legado-se-reafirma-como-clave-de-los-eventos/
Karbono-aztarnaren kalkulua
2022/01/17
Helburua, betiere negozio-ekitaldien iraunkortasunaren bila, ekitaldiok ingurumenerako mehatxu ez izatea da, hau da, ekitaldiek karbono-aztarnarik ez izatea edo gutxienez ahalik eta txikiena izatea. Horregatik, aurten, hotel bakoitzaren karbono-aztarna kalkulatu da. Hotelek, jarrera ezin hobea erakutsita, establezimenduko karbono-aztarna lortzeko beharrezkoak diren datuak eman dizkigute. Izan ere, negozio-ekitaldi bat egiten den bitartean (bilera, kongresua, batzarra edo konbekzioa), parte-hartzaile bakoitzak karbono-aztarna uzten du, hau da, CO2 (teCO2) tona baliokideen kopuru jakin bat.
Karbono-aztarna kalkulatzeko, normalean, bisitariak helmugako hirian duen egonaldian (hotela) edo hirira iristeko nahiz hiri barruan mugitzeko erabilitako garraioan sortutako emisioak hartzen dira kontuan. Karbono-aztarnaren kalkuluari esker, badakigu zer inpaktu uzten dugun, eta hori arintzeko lan egin dezakegu, emisioak murriztuz edo haren eragina konpentsatzeko ekimenak sustatuz. Emisioen murrizketaren barruan, nabarmentzekoak dira argiztapena kontsumo txikiko bonbilletara aldatzea, energia bitarteko berriztagarrien bidez lortzea eta garraio publikoa erabiltzea edo, halakorik ezean, ibilgailu pribatu elektrikoa erabiltzea.
Arazo hori konpontzeko hainbat ekimen egin dira, eta horietako batzuk “eragina eta legatua” ataleko ekintzen parte dira. Kontsulta itzazu!
Emisioak konpentsatzeko zuhaitzak landatzea, tokiko komunitatearekin batera lanak egitea edo baso-bideak garbitzea eta egokitzea izan ohi dira eraginkorrenak. CO2 tona baliokideen barruan, atmosferara isuritako berotegi-efektuko gas guztien emisioak hartzen dira kontuan, jardueraren garapenetik datozen zuzeneko edo zeharkako efektuengatik.
Hiru irismen bereizten dira:
1.Irismena:
Berotegi-efektuko gasen isuriak, enpresak jabetzan dituen edo kontrolatzen dituen iturrietatik datozenak. Ohikoenak dira iturri finkoetako erregai fosilen kontsumoa eta klimatizazio-ekipoen nahi gabeko ihesak.
2.Irismena:
Energiaren kontsumo eta banaketaren ondoriozko zeharkako isurketak honakoei dagozkie: hirugarrenek sortutako elektrizitatearen eta lurrunaren kontsumoarekin lotutako berotegi-efektuko gasen isurketei, alegia.
3.Irismena:
Konpainia baten balio-katetik datozen eta haren kontrolpean ez dauden emisioak dira. Adibidez, negozio-bidaiak, langileen joan-etorriak edo produktuen erabilera.
Bilbok bat egin du Glasgowko adierazpenarekin
2021/11/09
Bilbao Convention Bureauk bat egin du Glasgowko Adierazpenarekin. Belaunaldi berrien olatuari jarraituz eta iraunkortasunarekin eta ingurumenarekin duen konpromisoa berretsiz, Bureauk finantzaketa neurtzeko, deskarbonizatzeko, birsortzeko eta desblokeatzeko konpromisoa hartzea erabaki du, finkatutako helburuak lortu nahian.
Aldi berean, Bureauk 2027ra arte zehaztutako Iraunkortasuneko Ekintza Planean zehaztutako ekintzak gauzatzen jarraituko du.
https://www.hosteltur.com/147820_que-empresas-turisticas-han-suscrito-la-declaracion-de-glasgow.html
Bilbok 42. postua lortu du Global Destination Sustainability Index-en
2021/11/05
Bilboko hiriak iraunkortasunarekin duen inplikazio argiaren erakusgarri, joan den urtetik (2021), Bilbok GDS-Index rankingera aurkezteko erronkari heldu dio. Global Destination Sustainability Index-ek MICE sektoreko ekitaldiak egiteko helmuga iraunkorrenak erakusten ditu.
Estreinaldiaren urtean, Bilbok 42. postua lortu du munduko sailkapenean, 60,4/100eko azken puntuazioarekin. Lau atal ditu: ingurumen-atala (72,22/100), atal soziala (82,5/100), hornitzaileak (27,5/100) eta xede-hiriaren kudeaketa (58,62/100).
Hiria hobetzen jarraitzeko asmoz, aurten hainbat ekimen sustatu eta abian jarriko dira. Horrekin guztiarekin, Bilbok bere posizioa hobetu nahi du eta 2022an postuak igo.
Populazio bera duten beste hiri batzuekin alderatuta, iraunkortasunaren arloan punta-puntakoak diren Aarhus eta Reykjavik hirietatik gertu gaude. Lehenengoa sailkapen osoko hirugarren onena da eta Islandiako hiriburuak bosgarren postua lortu du. Bi hiri horiekiko alderik handiena Supplier atalean dago, baina argi daukagu zein den egoera iraultzeko jarraitu beharreko bidea.
https://www.europapress.es/euskadi/noticia-bilbao-alcanza-puesto-42-indice-global-destination-sustainability-ano-adhesion-20211105101912.html
Elkarrizketa Bilbao Convention Bureau-rekin
2019/02/07
Max Tourism hedabidearen elkarrizketa honetan, Kepa Olabarrietak, Bilbao Convention Bureau-ko zuzendariak, duela 12 urtetik Bureauk etorkizun hurbilerako dituen helburu nagusiak eta datozen ekitaldi garrantzitsuenak deskribatzen ditu.
Aldi berean, Convention Bureau-ren indarguneak errepasatzen ditu, helmuga gisa finkatzeko jarraitu beharreko urratsak zein izango diren iragarri du eta Bilbora hurbiltzen den edozein bisitarik amaitzen duen gogobetetzea azpimarratu du.
https://www.max-tourism.com/entrevista-con-el-bilbao-convention-bureau/
