MUNDUAREKIN KONEKTATUTAK
Bilbok egoera pribilegiatua du, Frantziatik eta Espainiako tamaina erdiko eta handiko hainbat hiritatik ordubete baino pixka bat gehiagora errepidez; eta komunikazio onak ditu itsasoz eta airez. Gure aireportu ikonikoa erdigunetik hogei minutura dago garraio publikoan eta Espainiako eta Europako hiri nagusiekin konektatzen gaitu, Europako hub nagusiak barne.
LEKUAK OINEZ
The Academy of Urbanism erakundeak Europako Hiririk Onena izendatu gintuen eta hori gure hiri-garapenak jaso duen sarietako bat besterik ez da. Ez duzu sinetsiko bizi arte: Kongresuetarako Euskalduna Jauregiko apeta tekniko handienez gozatu dezakezu, eta hotelera erdigunetik oinez itzuli. Edo hamar minutuan metro-bidaia eroso batean, Bilbao Exhibition Centretik.
GASTRONOMIA GURE DNAn
Tokiko produkturik onenak aukeratzeko, lagunekin elkartzeko, produktu horiek maitasunez prestatzeko eta horiez mahai inguruan gozatzeko grina esperientzia bat da, eta esperientzia hori esperimentatu egin behar da ulertzeko (eta hala egin beharko zenuke). Baina eseri eta gozatu besterik nahi ez baduzu, euskal ohitura errotu honek gastronomiaren munduko hiriburuetako bat bihurtu gaitu; 14 Michelin izarrekin eta gustu (eta poltsiko) guztietarako aukerak dituena.
GUGGENHEIM ETA GEHIAGO
Pritzker sarien hiriburua gara, azken mendeko arkitektura ibilaldi batean zeharkatzeko aukera ematen duen aire zabaleko museo bat. Eta, besteak beste, UNESCOren Sormen Hirien Sarea osatzen dugu, egunero eskaintza artistiko, kultural eta sortzaile bizian lanean diharduten 200 erakunde baino gehiagorekin. Horien artean daude Azkuna Zentroa, ABAO Bilbao Opera, Arriaga Antzokia eta, nola ez, Guggenheim Bilbao, gure museorik internazionalena.
INGURUMEN NATURAL ETA SOZIALA
Bilbo erauzketa- eta ekoizpen-jarduera bizi bati esker hazi eta garatu zen, baina bide luzea egin dugu harrezkero. Hiri- eta ingurumen-birsorkuntza sakonarekin eta azpiegituretan inbertsio irmo batekin hasi genuen; horren adibide da gure garraio publiko jasangarri bikaina. Gaur egun, lanean jarraitzen dugu Balioen Hiri bihurtzeko, gure nortasunari, pertsonen ongizateari eta ingurune naturalari bizkarra eman gabe hazten dena.
BERRIKUNTZA ETA INTERNAZIONALIZAZIOA
Finantza-hub gisa, Bilbok enpresa-ekosistema oparoa du, industria-oinarri sendoarekin eta nazioarteko aliantza indartsuekin. Financial Times-ek tamaina ertaineko Europako zortzigarren hiri onena aukeratu du atzerriko inbertsio zuzena erakartzeko, eta posizioak eskalatzen jarraitzeko asmoa dugu, ikerketa- eta berrikuntza-ekosistema berriekin eta garapen teknologikoaren aldeko apustu garbiarekin.
Bideo erreproduzigailua
00:00
00:00
Garraio publiko bikaina
Bilboko tamaina dela eta, oinez, bizikletaz edo garraio publikoa erabiliz mugitzeko aukera aparta eskaintzen du, hiriaren eraikinen eta paisaien ikuspegiaz gozatzeko. Gainera, garraio publiko sareak Bilbao Bizkaia Card txartelarekin hirian erraz ibiltzeko aukera ematen du (Bilbao Turismoren bulegoetan salgai). Txartel horrekin, metroa, tranbia, funikularra eta hiri autobusa erabil daitezke
Informazio gehiago
Metro
1995an inauguratu zen eta Norman Foster arkitektoak diseinatu zuen. Gaur egun, hiriaren sinbolo bilakatu da, bere irisgarritasuna, eraginkortasuna, diseinu bikaina eta «fosterito» bereizgarriak, geltokietako sarrera gaineko estalkiak, direla eta.
Hiru linea dituen sistema honi esker, hirian zehar azkarrago mugitzeko aukera ez ezik, metropoli-eremuko hondartzetara eta herri xarmagarrietara gerturatzeko aukera dago.
Informazio gehiago
Tranbia
Boluetako geltokia La Casilla kiroldegiarekin konektatzen duen garraiobidea ez da aukera iraunkorra eta puntuala soilik; Zazpi Kaletako Erdi Aroko kaleak inguratzen dituen bidaia atsegina eskaintzen du ere, hiriaren Zabalgunetik pasatuz eta itsasadarrarekin paralelo abiatuz. Bertatik, Bilboko eraikin adierazgarrietako batzuk ikus daitezke.
Informazio gehiago
Hiriko autobusak
Bilbobus, hiriko autobus sarea, auzo guztietatik igarotzen da, eta ibilgailu gehienak mugikortasun murriztua duten pertsonentzat egokituak daude.
35 linea ditu, 6:00etatik 23:00etara funtzionatzen dutenak. Zerbitzuen maiztasuna 10 eta 30 minutu bitartekoa da.
Gauez, zortzi autobus zerbitzu daude, 23:00etik 2:30era ordu erdiro pasatzen direnak ostiraletan, eta larunbatetako gau osoan.
Informazio gehiago
Bizikleta
Bilbok hirian ibiltzea errazten duen bidegorri sare bat du, eguneroko erabilerarako garraio sistema iraunkor, praktiko eta azkarra garatzeko helburua duena.
Gainera, bizikleta bat lortzea oso erraza da; izan ere, Bilbon, badaude aldi baterako alokairuko hainbat enpresa eta “Bilbaobizi” udal zerbitzuak bizikletak mailegatzen ditu.
Taxi
