BATEK LEHENENGO URTEURRENA OSPATU DU ETA 2024KO UDAZKENEAN BIGARREN FASEAREN HASIERARI BEGIRA DAGO
![](https://bilbaoconventionbureau.bilbao.eus/wp-content/uploads/2024/02/BAT-Aniversario.jpg)
B Accelerator Tower zentroak, lehenengo urteurrenaren harira, Innovation Week jardunaldiaren lehenengo edizioa antolatu du. Bertan, teknologia, hazkuntza, sormena eta berrikuntzako alorrak jorratzen dituzten balio handiko edukiak eskainiko dira hiru egunez; nazioarteko hizlariek hartuko dute parte, eta proiektu berritzaileetan, enpresetan eta startup arrakastatsuetan —hala nola Hawkers, CAF, IKEA, BBVA Spark, Google o Microsoft — aritzean izandako esperientzia azalduko dute. 2022ko irailaren 19an inauguratu zenetik, nabarmenki hazi da BAT, eta erreferente bihurtu da Bizkaia eta Euskadiko ekintzailetza eta berrikuntzako ekosisteman. Lankidetza publiko-pribatuko eredu bakarrarekin, BATek startupak, enpresak, teknologia-zentroak eta inbertitzaileak biltzen dituen erkidego sendoa eratu du; horiek guztiak nazioartean konektatuta daude, konponbide.
IÑIGO URKULLU LEHENDAKARIAK ETA CHRISTIAN PRUDHOMME FRANTZIAKO TOURREKO ZUZENDARIAK EDIZIO HISTORIKO HONI HASIERA EMAN DIOTE EUSKADIN
Iñigo Urkullu, Eusko Jaurlaritzako lehendakaria, eta Christian Prudhomme, Frantziako Tourreko zuzendari nagusia, izan dira Euskaditik aterako den 2023ko Frantziako Tourreko lehen etapa hasi aurretik egin den zinta mozketako protagonistak.
Frantziako Tourraren 110. edizioko lehen pedalkada hauek Bilbo dute irteera eta helmuga. 182 kilometroko ibilbide zirkular eta bihurria Bizkaian zehar. Estreinaldiko urduritasunari, ilusioari eta indarrari metatutako 3.300 metroko desnibela gehitzen badiogu, lehen jardunaldiak ikuskizun zirraragarria eskainiko digu.
ELIKAGAIEN SOBERAKINEN DOHAINTZAN AITZINDARIAL NAZIOARTEKO DIMENTSIOA DUEN EKITALDIAN
![](https://bilbaoconventionbureau.bilbao.eus/wp-content/uploads/2023/07/OREKA-I4C-1024x683.jpg)
Grupo Iruña eta Bilbao Exhibition Centreren arteko lankidetza estrategikoari esker, euskal instalazioetan maiatzean egin zen Munduko Bankuaren Innovate4Climate nazioarteko konferentzia ekitaldi aitzindaria bihurtu da, elikagaien soberakinak dohaintzan eman baititu Oreka Circular Economy plataformaren bitartez. Lan horrek agerian uzten du bi erakundeek hondakinak kudeatzeko eta beharrik handienak dituzten komunitateei laguntzeko jarduketa arduratsuak ezartzeko duten konpromisoa, eta GJHren Agenda 2030arekin lerrokatuta daudela.
Guztira, 220kg elikagai eman dizkiote Bilboko Conde de Aresti Egoitzari. Horretarako, logistika-sistema efizientea ezarri zen ekitaldian sobratu ziren elikagaiak bildu, zenbatu, entregatu eta egunero emateko. Guztira 69 herrialdetako 1.500 parte-hartzaile izan ziren. Ekintza horrek izan duen ingurumen-inpaktua hau da: CO2aren 6.900 kilo-isurpen ekidin dira; milioi bat litro ur baino gehiago aurreztu: eta 4.000m2 baso baino gehiago salbatu dira, amaierako txostenak jasotzen duenaren arabera. Inpaktu ekonomikoaren, sozialaren eta ingurumenekoaren trazabilitatea eta neurketa Oreka Circular Economy teknologiaren bitartez egin da.
BEC ERREFERENTEA DA ENERGIA-SEKTOREKO EKITALDIETAN
![](https://bilbaoconventionbureau.bilbao.eus/wp-content/uploads/2023/07/BEC-energetico.jpg)
Bilbao Exhibition Centre erreferente bihurtu da energia sektorearekin lotutako ekitaldietan, industria horretan erreferentziakoak diren hainbat topaketa hartu eta sustatu baititu. Adituak, ikerlariak eta iritziaren liderrak elkartu dira energia-sektorearen egungo eta etorkizuneko erronkak eztabaidatzeko eta efizientzia energetikoari, energia garbiei eta garapen jasangarriari dagokionez praktikarik onenak partekatzeko.
Horren erakusle da Hidrogenoaren Espainiako Elkarteak gidatuko duen “European Hydrogen Energy Conference EHEC 2024” konferentzia. Martxoaren 6tik 8ra bitarte egingo da, Tecnaliak, EVEk, Energia Klusterrak eta BECek osatutako tokiko batzordearen laguntzarekin.
No Results Found
The page you requested could not be found. Try refining your search, or use the navigation above to locate the post.