Egurtek, Nazioarteko Zuraren Arkitektura eta Eraikuntza Foroa, X. edizioa prestatzen ari da. Egurrezko arkitekturaren eta eraikuntzaren arloko nazioarteko ekitaldirik esanguratsuenetako bat da. Urriaren 16an eta 17an egingo da maila goreneko ekitaldia. Egun horietan, egurraren erabilera jasangarria sustatzeko duen konpromisoa berretsiko da, eta aukera handiak eskainiko dira elkartruke komertzialerako eta ezagutza partekatzeko.

Material honek eskaintzen dituen aukerak agerian geratuko dira bi egun horietan, Estatu osoan arkitektura eta egurrari eskainita egiten den kongresu bakarrean. Ekitaldian zehar, izen handiko adituek haien lanik nabarmenenak aurkeztuko dituzte, eta arlo honetako berrikuntzen eta joeren gaineko ikuspegi paregabea eskainiko dute. Egurtekek prestigiodun arkitektoak bildu izan ditu, hala nola Shigeru Ban, Michael Green, Sou Fujimoto, Alex de Rijke, Alvaro Siza, Cazu Zegers, Marcel Baumgartner, Alpo Ranta Maunus, Georg Wolfgang Reinberg…

Gehiago irakurri

Nazio Batuen agentzietako zuzendarien topaketa egingo da bilbon gaurtik aurrera, aurten Bilbon egingo den horrelako lehen topaketaren esparruan, Nazio Batuetako 2030 Tokiko Koalizioaren Idazkaritzaren egoitza baita.

Iñigo Urkullu lehendakariak inauguratu du topaketa; bertan izan da Bilboko alkatea, Amaia Arregi.

Gaur hasi eta barikura arte, 2030 Tokiko Koalizioaren Idazkaritzaren egoitzan (Nazio Batuak) Nazio Batuen 2030eko Tokiko Koalizioa osatzen duten agentzia, erakunde eta programetako zuzendarien eta arduradunen bilera egingo da.6

Lan-jardunaldi horietarako deialdia NBE Habitatek egin du, 2030 Tokiko Koalizioko Idazkaritzaren zuzendaritzaren ardura daukan agentziak. Ezaugarri hauetako lehen bilera da eta, besteak beste, NBE Habitat, FAO, PNUD, UNICEF, OME, OIM eta ECLAC erakundeetako zuzendariak eta arduradunak biltzen ditu. Michal Mlynár (NBE Habitateko zuzendari exekutiboa) izango da topaketaren burua.

Gehiago irakurri

Atzo egin ziren Espainiako Azoken Elkarteen (AFE) Ohiko eta Ezohiko Batzar Orokorrak. Ezohiko Batzar Orokorreko kideek Xabier Basañez, BECeko (Bilbao Exhibition Centre) zuzendari nagusia, aho batez berrautatu zuten, hurrengo lau urteetan presidente gisa erakundea ordezkatu eta zuzendu dezan.

Basañezek eskerrak eman dizkie erakundeko kideei berarengan jarritako konfiantzagatik. Halaber, alde batetik, gizarteari azoken sektoreak duen garrantzia helarazteko asmoa adierazi du, jarduten dugun sektore guztien jarduera ekonomikoaren eragile baita, eta, bestetik, modu kolektiboan lan egiteko asmoa adierazi du, etorkizuneko erronkei aurre egiteko. Kide berriak sartzearekin batera, erakundea handitzearen alde agertu da, bai eta antzeko erakundeekin harremana indartzearen alde ere, esate baterako, APCErekin (Espainiako Biltzar Jauregien Elkartea) eta AFIDArekin (Amerikako Azoken Nazioarteko Elkartea).

Gehiago irakurri

BIEMH azokaren 32. edizioa sekulako ikuskizun industrial eta teknologikoa izango da eta bertako protagonista argiak funtzionamenduan dauden makina handiak izango dira. Fabrikazio aurreratuaren arloko azoka nagusia da eta sektoreko enpresa liderrek baieztatu dute dagoeneko 2024ko BIEMHen izango direla. Horien artean, nabarmentzekoak dira hauek: DANOBAT, SORALUCE, IBARMIA, ZAYER, NICOLAS CORREA, INTERMAHER, MAQUINSER, MAQUINA CENTER, DAUNERT, DELTECO, BLM, AMADA, TRUMPF, TECOI, TCI, GEMINIS eta LAGUN. Gainera, hainbat arrazoirengatik aurreko edizioetan parte hartu ez zuten enpresen itzulera nabarmentzen da: JUARISTI, ISCAR, IZAR, BAHCO, OXYSER, PANATEC, EHAFF eta IRAUPEN dira horietako batzuk.

Abangoardiako makina izugarriez gain, automatizazioak, robotikak eta digitalizazioak ekitaldiko alderdi nabarmen gisa duten posizioa indartuko dute. Sektore horiek efizientziaren hobekuntzari ekarpena egiteaz gain, kalitatea, berrikuntza, malgutasuna eta lehiakortasuna sustatzen dute, eta azokako enpresa erakusketari guztien % 30 inguru ordezkatzen dute.

Gehiago Irakurri