ERAGIN POSITIBOA ETA LEGATUA
Hiri batean, Bilbon kasu honetan, negozio-ekitaldi bat egiten denean, okerra litzateke ekitaldi horrek helmugako hiriari ekarriko dion alderdi ekonomikoa bakarrik kontuan hartzea. Ukaezina da alderdi ekonomikoak garrantzi handia duela, baina gero eta garrantzi handiagoa hartzen ari da alderdi soziala.
Bilbao Convention Bureau gizarte-ekintzak eta helmugan izandako eragin positiboa sustatzeko lanean ari da, biltzarra egiten den bitartean ez ezik, hainbat ekimeni eta elkarteekin egindako lankidetzari esker, Bilboko tokiko gizartean ondare edo legatua ere uzteko.
Eragin sozial positiboa sor daiteke helmugan, hainbat modutan eta hainbat elkarteren bidez.
Bilbon, hauek dira garrantzitsuenak:
TROKA
Ingurumenarekin iraunkor edo jasangarriak diren jarduerak antolatzen dituen enpresa. Mendi-ibilbideak garbitzeko eta egokitzeko ekimenak nabarmentzen dira, adibidez, Bizkaiko kostaldea Sopelatik Plentziaraino zeharkatzen duena.
LURGAIA
Fundazioaren helburua da beharrezko tresnak ematea EAEko edozein sektore eta tamainatako edozein enpresak gure ingurune naturalaren kontserbazioan eta lehengoratzean parte hartzeko aukera izan dezan.
BILBAO BALIOEN HIRIA
Bilbao Balioen Hiriak azterketarako, elkarrizketarako, hausnarketarako eta lankidetzarako gune bat sortu nahi du erakundeen, gizarte-erakundeen, enpresen, komunikabideen, ikastetxeen eta herritarren artean, Bilbon balio partekatuen esparru bat sustatzeko.
IMPREDECIBLE BASOA
Urdaibai Biosfera Erreserbaren eremuan betiko baso autoktono bat sortzeko helburuarekin ingurumenaren eremuetan lan egiten duen gizarte-enpresa. Horrela, edozein gertakariren karbono-aztarna konpentsatzea lortzen da, helmugan ondare positiboa utziz eta, aldi berean, inguru natural honen biodibertsitatea hobetzen lagunduz.
Espezie autoktonoak landatzen dira Kantauri isurialdeko baso tipikoa sortzeko.
FORMARTE
Gizarte-ekimeneko kooperatiba, pertsonen eta haien sormen-gaitasunaren zerbitzura aritzen dena. Desgaitasun psikikoa eta/edo intelektuala duten pertsonekin lan egiten du berariaz. Prestakuntza pertsonala eta profesionala uztartzen ditu. Artistekin eta material iraunkor edo jasangarriekin batera diseinuak sortzeko aukera ematen du, eta, aldi berean, desgaitasuna duten artistak aitortzeko Europako programa babesten du bere dendaren bidez.
BIZKAIKO GURUTZE GORRIA
Nazioartean ezaguna da boluntarioz osatutako gizarte-lanagatik. Hainbat arazo konpontzeko lan egiten dute, hala nola klima-aldaketa, emakumeen aurkako indarkeria, pertsonen bakardadea, migratzaileei arreta ematea, kolektibo ahulekin lan egitea edo larrialdi-egoerei berehalako erantzuna ematea.
LANTEGI BATUAK
Enpresa-ingurune arduratsu eta inklusibo batean gizarte-kohesioa sortzeko elkartea. Eskualde guztietan dauden zentro eta zerbitzu guztien bidez, desgaitasuna duten pertsonentzako lan-aukerak sortzen dituzte Bizkaian, inklusioa, garapenik handiena eta bizi-kalitatea uztartuz.
WINDEUROPE
FOOD4FUTURE
CONGRESO PSICOLOGÍA POSITIVA
Hirian WindEurope 2022 kongresua egiten ari zirela, Ingeniaritza karrerako ikasleak gonbidatu zituzten ekitaldira eta bertan egin ziren hitzaldi eta jardueretan parte hartzera.
Arenako hondartzan, Offshore Wind 4Kids-en eskutik, haizea baliabide gisa erakustearen inguruko familia-jarduera bat izan zen, non haurrek zein helduek eskalan turbina eoliko bat eraikitzen ikasi zuten.
Kongresuaren teknika aprobetxatuz, ekitaldi honen ardura zuen catering-ak, Iruña Taldearen catering-ak, ekimen bat jarri zuen abian Orekarekin batera, ekitaldi handi baten elikadura-soberakinen tratamendu zirkularra garatzeko.
Aldi berean, Bilboko Ostalaritza Goi Eskolak bere Food Lab-eko proiekturik garrantzitsuenetako batzuk aurkeztu zizkien herritarrei.
Maiatzaren 12tik 14ra Psikologia Positiboari buruzko 5. Biltzarra egin ondoren, eta herritar arruntengana iristeko helburu argiarekin, “Psikologia Kalean” iritsiko da Bilbora. Jarduera horrek psikologia positiboaren zentzua eta balioa zabalduko ditu gaur egun.
Horretarako, gaur egun hain garrantzitsuak diren gaiei buruzko hitzaldi eta tailer parte-hartzaileak egingo dira, besteak beste, antsietatea, adikzioen prebentzioa, suizidioa edo covid osteko ondorio neuropsikologikoak.
FOOD4FUTURE
